Aİ-nin Ermənistandakı missiyasına Almaniyadan olan polislər daxil ediləcək

Avropa İttifaqı Azərbaycanla sərhədə nəzarət etmək üçün tezliklə Ermənistana göndəriləcək mülki monitorinq missiyasına 15 alman polisi daxil olacaq.

Sonxeber.az xəbər verir ki, bu barədə Almaniya hökumətinin sözçüsü Steffen Hebestreit məlumat verib.

Missiya fevralın 20-də fəaliyyətə başlayacaq.

Hebestreit bildirib ki, Almaniya federal hökuməti missiyaya maksimum on beş polisin cəlb edilməsi barədə qərar qəbul edib. Federal hökumət komandaya mülki ekspertlərin də daxil edilməsini təklif edir.

Ümumilikdə Aİ missiyası 100-ə yaxın kişi və qadından ibarət olacaq. Missiyaya Almaniyanın federal polisi rəhbərlik edəcək.

Monitorinq Ermənistan ərazisi boyunca bir neçə yerdə, Azərbaycanla sərhəd rayonlarda yerləşdiriləcək. Onun fəaliyyət sahəsi Naxçıvan ərazisi də daxil olmaqla Azərbaycanla sərhədin bütün uzunluğunu əhatə edəcək.

Şəbnəm Lətifi

Telegramda izləyin