Yunanıstanın Baş naziri zəlzələdən sonra Türkiyə-Yunanıstan əlaqələrindən nikbin danışıb

Yunanıstanın Baş naziri Kiryakos Mitsotakis Türkiyədə baş verən zəlzələlərdən sonra ikitərəfli əlaqələrdə müsbət atmosferin Türkiyə-Yunanıstan əlaqələrinin yaxşılaşmasına səbəb ola biləcəyinə inandığını bildirib.

Sonxeber.az xəbər verir ki, Kozanidə jurnalistlərin suallarını cavablandıran Miçotakis Yunanıstandan olan axtarış-xilasetmə qruplarının Türkiyədə insanları xilas etməsindən məmnunluğunu və qürurunu dilə gətirib.

Xarici işlər naziri Mövlud Çavuşoğlunun ikitərəfli əlaqələrdə irəliləyiş ola biləcəyi ilə bağlı açıqlamalarını qeyd etdiyini qeyd edən Mitsotakis, "Bizim fikir ayrılıqlarımız var. Bunlar beynəlxalq hüququn meyarları çərçivəsində və mehriban qonşuluq münasibətlərinə hörmətlə yanaşaraq həll edilə bilər. Mən bu faciənin nümayiş etdirdiyi kimi, xalqlarımız arasında yaranan emosional bağa inanıram. Həqiqətən də inanıram. İnanıram ki, bu dramdan Türkiyə-Yunanıstan münasibətləri üçün bəlkə daha yaxşı bir şey çıxa bilər",- deyə nazir bildirib.

Miçotakis Yunanıstanın zəlzələdən zərər çəkmiş bölgələrin yenidən qurulması səylərində qonşu ölkə olaraq üzərinə düşən vəzifəni yerinə yetirəcəyini deyib.

Şəbnəm Lətifi

Telegramda izləyin