"Bu gün aparılan delimitasiya və demarkasiya prosesi Ermənistanın müstəqilliyi üçün vacibdir" - DEPUTAT

"Azərbaycanın 4 kəndinin qaytarılmasını elan olunandan sonra Ermənistanda etiraz aksiyaları davam edir".

Bunu Sonxeber.az-a danışan deputat Azər Badamov bildirib.

Deputat qeyd edib ki, bu aksiyaların təşkilatçısı radikal müxalifətdir:

"Radikal müxalifət Paşinyanı hakimiyyətdən yıxmaq üçün bütün fürsətlərdən istifadə edir. Kəndlərimizin qaytarılması onların əlində yeni bir fürsətə çevrilidi. Amma bu aksiyalara qoşulmalar kütləvi hal almır. Görürük ki, eyni adamlar İrəvandan bölgəyə gəlib insanları ayağa qaldırmaq istəyir. Lakin insanların əksər hissəsi bizə qaytarılan dörd kəndin özlərinin olmadığını bildirir və bir daha müharibənin baş verməməsinin arzuladığını səsləndirirlər. Paşinyan və onun komandası müxtəlif auditooriyalarda, o cümlədən Tavuş rayonuna gələrək ictimaiyyətlə görüşür və məsələnin əsil mahiyyətini insanlara başa salır. Aksiyaçılar yolları bağlamağa cəhd edir və kütləviliyi artırmağa çalışır. Amma hesab edirəm ki, bu, genişlənməyəcəkdir. Çünki, bu gün Azərbaycanla Ermnənistan arasında aparılan delimitasiya prosesində bir qeyri adilik yoxdur. Sərhəd xəttinin hardan keçdiyini hamı bilir və dleimitasiya prosesinin keçirərək iki ölkə arasında sərhədin qurulması labüddür. Radikal müxalifət isə qışqırıb-bağırıb sakitləşəcək. Bu gün aparılan delimitasiya və demarkasiya prosesi həm də Ermənistanın müstəqilliyi üçün vacibdir. Ona görə də əksər ermənilər bunu başa düşürlər və aksyalara qoşulanları dəstəkləmirlər".

Telegramda izləyin