Xankəndidə türk dövlətlərinin birgə parlamenti YARADILIR? - ŞƏRH

Türk milləti, şübhəsiz ki, bəşər tarixini formalaşdıran ən qədim xalqlardan biridir. Dünyanın müxtəlif yerlərində böyük çətinliklərlə yaşayışını davam etdirən türklər bir-birlərindən heç vaxt əlaqəni kəsməyiblər. Bu gün bir çox türk xalqları öz müstəqil dövlətlərini yaradıb və daim dövlətlərarası əlaqalərin gücləndirilməsi istiqamətində mühüm işlər görür. Azərbaycan daxil olmaqla, digər türk dövlətləri öz mədəni və iqtisadi əlaqələrini davam etdirir.

Dostluq və əməkdaşlığın gücləndirilməsi istiqamətində təklif olunan mövzulardan biri türk parlamentinin yaradılmasıdır. Qarabağda separatizmə son qoyub, suverenliyi bərpa etdikdən sonra regionda vəziyyət dəyişdi. Şuşa Azərbaycanın mədəniyyət paytaxına çevrildi. Xankəndi isə Qarabağın əsas incilərindən biridir. Bu baxımdan Xankəndidə türk dövlətlərinin birgə parlamenti yaradıla bilər?

Mövzu ilə bağlı Sonxeber.az-a danışan siyasi şərhçi Faiq Ələkbərli deyib ki, Hazırda belə bir təşkilat olaraq Türk Parlamenti Assambleyası dəaliyyət göstərir:

" Ancaq ayrıca bir ortaq parlamentin yaradılması, gələndə nümunə olaraq ağlımıza Avropa İttifaqı kimi qurum yadımıza düşür. Belə bir qurum yaradılacaqsa türk dövlətlərinin nümayəndələri orada iştirak edəcəklər. Bu formada bir türk parlamentinin yaradılması çox yaxşı hal olardı. Parlamentin yaradılmasının özü də türk dövlətləri təşkilatlarının güclənməsi, həm də siyasi gücə çevrilməsi baxımından çox yaxşı olardı. Türk Parlamentinin olması türk dövlətləri təşkilatının yeni gücə çevrilməsi anlamındadır. Xankəndidə türk parlamentinin yaradılmasının elan edilməsinin özünün də bir ayrı özəlliyi ola bilər. Bütün hallarda türk parlamenti adlı qurumun Xankəndidə açılması türk dünyası üçün dəyərli bir addım olar. Ümid edirik ki, bu parlamentin yaradılması Xankəndidə baş verər".

Sevda Səfərova

Telegramda izləyin