"Wolt" kuryeri vətəndaşın motosikletini OĞURLADI - ŞİKAYƏT

Bakıda vətəndaşın motosikleti "Wolt" kuryeri tərəfindən oğurlanıb.

Bununla bağlı Xaçmaz rayonu sakini Elxan Mirzəbəkov Mamalı oğlu Sonxeber.az-a müraciətində bildirib. O, Xaçmazdan Bakıya qonaq gəlmişəm və övladı xəstədir:

"İlk növbədə uşağı Respublika Pediatriya Mərkəzinə, oradan isə 7 nömrəli Uşaq Yoluxucu Xəstəliklər Xəstəxanasına gətirdim. Yol pulum az çıxsın deyə, Bakıya motosikletlə gəldim. 7 nömrəli Uşaq Yoluxucu Xəstəliklər Xəstəxanasının qabağında telefonumu və pasportumu, "Unibank" kartımı oğurladılar. Kartın içərisində 100 manat pul var idi. Uşağın vəziyyəti pis olduğuna görə əsəbləşdim və halım pisləşdi. Sərxoş vəziyyətə düşdüm".

Elxan Mirzəbəkovun sözlərinə görə, "Wolt" yazılan motosiklet var və onu "siz gedin, mən də gəlirəm" deyərək aldadıblar:

"O, öz motosikletini qıraqda saxladı. Təqribən 23-24 yaşlarında oğlana oxşayırdı. Daha sonra motosikletimi oğurladılar. İndi isə Yeni Klinikadayam. Övladım reanimasiya şöbəsindədir. Övladımın vəziyyəti pisdir və 3-4 gündür mən də yaxşı deyiləm. Mənim nömrəmi də vəsiqə vasitəsilə bağlatdırıblar. Nömrəm artıq təyin olunmur. Əşyalarımı və motosikletimi 7 nömrəli xəstəxananın qabağında oğurladılar. Motosikletimi isə +994 70 906 38 88 nömrənin sahibi oğurlayıb. Hüquq-mühafizə orqanlarına müraciət etmişəm və izahatımda var. Hər bir məlumatı vermişəm".

Telegramda izləyin