Bir ailənin qəhrəmanlıq HEKAYƏSİ: Vətən uğrunda döyüşən ATA VƏ OĞUL - VİDEO

Kəşfiyyatçı Əbülfət Atamoğlanov- 1993-cü ilin iyulunda ona çağırış gələndə ailəsi ilə vidalaşıb müharibəyə yollanır. Füzulinin bir çox yaşayış məntəqələri uğrunda gedən döyüşlərdə igidlik göstərir və qorxmazlığı ilə ad qazanır.

Sonxeber.az xəbər verir ki, şəhidimiz ilə bağlı İTV-nin əməkdaşları maraqlı süjet hazırlayıb:

"O çox qorxmaz insan idi. Bir neçə dəfə Qırmızı bazar uğrunda gedən döyüşlərdən sonra bizim komandirimiz onun cəsurluğuna görə kəşfiyyatçı təyin etdi. O həmişə kəşfiyyata gedirdi".

Həyat yoldaşı Rəhilə xanım deyir ki, Əbülfət müharibəyə yollananda 3 övladları olub. O, 1993-cü ilin avqustun 31-də Füzulinin Kürdmahmudlu kəndi uğrunda gedən döyüşlərdə itkin düşüb. Lakin ailəsi onun haqqında acı xəbəri sentyabrın sonu öyrənib:

"Döyüşə gedəndə böyük qızımın 5 yaşı var idi. Cəmilənin 3, Rüfət isə 40 günlük idi. Həmişə atalarının yolunu gözləyirdilər. Ataları ilə hər zaman qürur duyurlar və indi də fəxr edirlər".

İllər sonra atasının yarım qalan qəhrəmanlıq hekayəsini oğlu Rüfət tamamlayır. 44 günlük müharibədə onun döyüş yolu Füzulidən keçir. Yaralanır və sağalandan sonra yenidən döyüşlərə qatılır. Atasının qisasını alır.

Ətraflı İTV-nin süjetində:

Telegramda izləyin