İnsanlığa yaraşmayan HƏRƏKƏTLƏR: Şuşa və Laçında ətrafı ZİBİLLƏYİRLƏR - VİDEO

Uzun illər Qarabağ həsrətilə yaşadıq. Çoxları bu həsrətlə dünyasını dəyişdi. Lakin 44 günlük müharibədən və antiterror tədbirlərindən sonra Qarabağ tam azadlığına qovuşdu. Bizim olan artıq bizdədir. İndi isə Qarabağımız sürətlə dirçəlir. Hər kəs bu gözəl məkanı görmək arzusundadır. Bir çox vətəndaş bu arzusuna çatıb. Amma təbiətin bizə bəxş etdiyi gözəlliyə mədəniyyətsizlik nümayiş etdirib, " gözəllik" qatanlarda var.

Bəzi insanlar yedikləri qidaları ətrafa atıblar. Sonxeber.az xəbər verir ki, "ATV Xəbər"in əməkdaşları Şuşada və Laçında bu cür xoşagəlməz hallar ilə bağlı reportaj hazırlayıb. Görüntüləri həmin kəslər izləsə daha yaxşı olar:

"Neçə illərdən sonra bu gözəlliklərə qovuşduq. Bir iki yerə baxdım və zibilləri yerə atıblar. Belə hərəkət olmaz. Bura müqəddəs yerdir. Belə bir cənnət məkan kimi bir yeri zibilləməyə heç kimin haqqı yoxdur. Cıdır düzünün qədrini bilmək bizim milli borcumuzdur. Biz şəhidlərimizin hesabına burdayıq. Bura onların qanıyla suvarılıb. Biz ona görə buranın qədrini bilməliyik".

Ətraflı "ATV Xəbər"in süjetində:

Telegramda izləyin