Qəribə ADƏT: Ölən qohumlarını qəbirdən çıxarır, paltar geyindirir, ŞƏKİL ÇƏKDİRİRLƏR - FOTOLAR

İndoneziyanın Sulavesi adasında yaşayan Toracan tayfası çox maraqlı ənənəni davam etdirir.

Sonxeber.az xarici mənbəyə istinadən xəbər verir ki, Manene adlanan bu ritualda ölən ailə üzvləri məzarlarından çıxarılır və həyatda olan qohumlar onlar ilə şəkil çəkdirir. Bu ənənə bir neçə ildən bir, adətən avqustun sonunda həyata keçirilir.

Ailələr ölmüş qohumlarının meyitlərini çıxarır, təmizləyir və onlara yeni paltar geyindirir. Bəzən meyitlərə siqaret də verilir. Ritualın məqsədi ölənlərin ruhları ilə əlaqəni saxlamaq və ailə bağlarını möhkəmləndirməkdir.

Toracan mədəniyyətində ölüm son deyil. Mərhum müvafiq dəfn mərasimi təşkil olunana qədər evdə saxlanılır. O, xəstə yaxud yuxuda" hesab olunur. Hazırlıq prosesi bəzən uzun müddət çəkə bilər.

Dəfn mərasimləri böyük və bahalı tədbirlərdir. Mərasimdə camışlar qurban kəsilir . Nə qədər çox camış kəsilərsə, mərhumun axirətdə yüksək statusa sahib olacağına inanılır.

Telegramda izləyin