Prostat vəzi xərçəngi müalicəsinin yeni üsulunu açıqladılar

Elm adamları prostat vəzi xərçəngi müalicəsinin yeni üsulunu tapıblar.

Sonxeber.az Lent.az-a istinadən xəbər verir ki, sidik və cinsi sağlamlıq problemləri kimi ənənəvi yan təsirlər olmadan bu xəstəliyin müalicəsində əhəmiyyətli müvəffəqiyyət göstərən yenilikçi nanohissəciklərə əsaslanan terapiya hazırlanıb.

Metod qızıl nano qabıqların - işığı udaraq onu istiliyə çevirə bilən kiçik hissəciklərin istifadəsinə əsaslanır. Bu nanohissəciklər təsirlənmiş nahiyələrə yeridilir və yaxın infraqırmızı lazerin təsiri altında qızdırılır, xərçəng hüceyrələri məhv edilir. Sağlam toxumalar zərər görmədən qalır. Fokal fototermal ablasyon adlanan bu texnika, MRT və ultrasəs kimi müasir görüntüləmə üsullarından istifadə edərək şişləri hədəf almağa imkan verir.

ABŞ-ın bir sıra qabaqcıl universitetlərində aparılan bir araşdırma, müalicədən 12 ay sonra xəstələrin 73%-nin hədəf bölgələrində heç bir xərçəng hüceyrəsinin aşkar edilmədiyini göstərdi. Eyni zamanda, xəstələrdə sidik ifrazı və ya cinsi fəaliyyətdə heç bir disfunksiya müşahidə edilməyib. Bu da prostat xərçənginin müalicəsinin ənənəvi üsullarında tez-tez rast gəlinir.

Bu yanaşma prostat xərçənginin müalicəsində inqilab etmək, uzunmüddətli nəticələri yaxşılaşdırmaq və əhəmiyyətli fəsadlar törədən invaziv prosedurlara ehtiyacı azaltmaq potensialına malikdir. Bu kəşf dünya miqyasında kişilər arasında ən çox yayılmış xərçənglərdən birinə qarşı mübarizədə irəliyə doğru böyük bir addım ola bilər.

Telegramda izləyin