Hərbiçilər kommunal xidmətlərdən azad edilə bilər? - AÇIQLAMA

Şəhid və qazi ailələrini hər zaman müəyyən güzəşt və dəstəklər olunur. Bəs, hərbiçilər üçün hansı dəstək əsaslı addımlar atılır? Onlar kommunal xərclərdən azad edilə bilərmi?

Mövzu ilə bağlı Sonxeber.az-a hərbi ekpert Elxan Şıxəliyev danışdı.

O, açıqlamasında qeyd etdi ki, hərbiçilər üçün də qanunvercilikdə müəyyən qanunlar yer alıb:

"İndi mərhələdə qanunvericilikdə şəhid və qazi ailələrinə şamil olunan güzəştlər xaricində, hərbiçilər əgər xidməti davam etdirirlərsə və ya müharibə veteranlarıdırsa, onlara 80 manat prezident təqaüdü təyin olunur. Əslində zamanında qanunvericilikdə 80 manat təqaüd onların kommunal xərclərinin ödənişi üçün nəzərdə tutulmuşdu. Bu isə əslində həm hərbi xidmətdə olan müharibə veteranları və həm də hərbi xidmətdə olanların kommunal xərclərinin qarşılanması üçün 80 manatın artırılmasına ehtiyac var. Qanunvericilikdə göstərir ki, hərbiçilər xidmətdə olduqları müddətdə, onlara xidməti evlə təmin olunma hissəsi var. Xidməti evlə təmin olunmayan hissəsində kirayə evlərin ödənişləri təyin olunur. Əgər hərbiçi ailəsi ilə hər hansı bir evlə təmin olunmadığı halda, kirayə qalırsa, o müqavilə əsasında ona və ailə üzvlərinə kirayə haqqı üçün məbləğ təyin edilir. Bundan əlavə, hərbiçilər 20 il müddətində qüsursuz xidmət edərək ehtiyata buraxılırlarsa, bu zaman dövlət, onun ailə tərkibinin sayına uyğun olaraq həmin hərbiçini mənzillə təmin edir. Bunun xaricində hərbiçilərə dövlət tərəfindən müəyyən güzəştlər təyin olunmasına da sözügedən məsələr içərisində baxıla bilər. Hərbiçilərin vəzifə və rütbə maaşlarının artmı hər dəfə indeksləşdirilir. İldə bir dəfə ən azından infilyatsiyaya uyğun olaraq artım nəzərdə tutulur. Ehtiyatda olan zabitlərin, pensiya alanların isə təqaüdləri indeksasiya olunur. Bunun xaricində zabitlər və digər hərbidə olan şəxslər üçün özəl bir yanaşma olaraq müzakirələrin getməsini müşahidə etmirik".

Vüsalə İbrahimli

Telegramda izləyin