Yağışa görə bu evlərə tələb azalacaq - AÇIQLAMA

Şiddətli yağışlar Bakının əksər ərazilərindəki həyət evlərini iflic vəziyyətdə qoydu. Görəsən bu bazarda həyət evlərinə tələbi azalda bilərmi?

Mövzu ilə bağlı Sonxeber.az – a açıqlama verən əmlak eksperti Ramil Osmanlı bildirib ki, bu qısamüddətli bir dövr üçün baş verə bilər:

"Bu məsələlər daha çox psixoloji faktorla bağlıdır. Qısamüddətli bir dövr üçün ola bilər ki, bu baş versin. Nəzərə almaq lazımdır ki, Bakı daimi gur yağışların yağdığı bir şəhər deyil. Bu təbiət hadisəsidir. Müxtəlif zamanlarda baş verə bilir. Bu baxımdan düşünürəm ki, qısamüddətli dövr üçün - yaxın bir-iki həftədə insanlar arasında bəzi tərəddüdlər yarana və bu da bazara təsir edə bilər. Amma ümumilikdə bunun elə də ciddi bir rezenans doğuracağını, həyət evlərinə tələbi azaldıb, mənzillərə artıracağını düşünmürəm".

Çiçək Sadatova

Telegramda izləyin