Doğuş zamanı ölən anaların sayı niyə artıb? – AÇIQLAMA

Son zamanlar doğuş zamanı anaların ölüm halları ilə tez-tez rastlaşırıq. Araşdırmalar göstərir ki, son 10 ildə doğuş zamanı ölən anaların sayı iki dəfə artıb. Bəs bunun səbəbi nədir?

Mövzu ilə bağlı ginekoloq Rəşad Sultan Sonxeber.az – a açıqlamasında bildirib ki, buna səbəb xəstəxanalarda tibbi tədbirlərin görülməməsidir:

"Övlad sahibi olmaq üçün xəstəxanaya gələn ananın ölümü çox faciəvi bir haldır. Doğuş zamanı anaların ölümü bu gün bütün dünyada azaldılmasını istənilən bir haldır. Bu ölümün üç səbəbi var. Trombembaliya, infeksiya və qanaxma. Hər zaman dediyimiz riskli tədbirlər var. Riskli hamilələrin ayrılması və onların daha yaxşı müalicələrin təşkil edildiyi xəstəxanalara göndərilməsi, cərrahi briqadaların təşkil olunması, reanimasiya və anestizialogiya işinin təmin olunması, qan köçürülmə prosesinin təkmilləşdirilməsi – bunların hamısı görülməsinə ehtiyac olan tədbirlərdir. Ölkəmizdə pernatal mərkəzlər var. Amma o mərkəzlər sadəcə daş və divardan ibarətdir. Cərrahi briqadalar, qan əvəzləyicilərin tədarükü, reanimasiya işinin təşkili - bu üç istiqamətdə heç bir tədbir görülməyib həmin mərkəzlərdə.

Bu məsələ hüquq mühavizə orqanlarının cinayət işi qaldırması, jurnalistlərin işıqlandırılması ilə həll olan iş deyil. Burda qeyd etdiyim tədbirlərin heç biri görülmür. Danışılır amma icra edilmir. Söhbət tibbi tədbirlərdən gedir. Doğum zamanı ana öldü deyə kimisə cəzalandırmaq tədbir deyil. Bu hadisələrin baş verməməsi üçün nəsə etmək lazımdır. Başqa ölkələrin təcrübələrindən istifadə edərək, müzakirələr apararaq bir addım atılmalıdır. Sadəcə danışmaq deyil lazımı tədbirləri icra etmək lazımdır. İndiki halda doğum zamanı ana ölümlərinin azalacağını gözləmək mənasızdır".

Çiçək Sadatova

Telegramda izləyin