"Şlyapa Zahid"ə bankdan qanunsuz olaraq 20 milyon kredit veriblər - MƏHKƏMƏ

"Şlyapa Zahid"ə bankdan qanunsuz olaraq 20 milyon kredit veriblər - MƏHKƏMƏMüdafiə Nazirliyinin Daxili Təhlükəsizlik, həmçinin, Təhsil-tədris və Elmi Tədqiqatlar İdarəsinin sabiq baş zabiti, 42 milyonluq mənimsəmədə ittiham olunan Zahid Niftəliyevin ("Şlyapa Zahid") cinayət işi üzrə məhkəmə prosesi davam etdirilib.

Lent.az-ın verdiyi məlumata görə, Bakı Ağır Cinayətlər Məhkəməsində hakim Novruz Kərimovun sədrliyi ilə keçirilən prosesdə şahidlər dindirilib.

Şahid qismində ifadə verən "Ata Bank"ın əməkdaşı olmuş Solmaz Əliyeva təqsirləndirilən şəxsi bankda 2-3 dəfə gördüyünü bildirib:

"Mən 2004-cü ildən "Ata Bank"da çalışmışam. Hüquqi şəxslər bankda mədaxil və məxaric üçün əməliyyatçıya yaxınlaşır, sonra sənədlər mənə yönləndirilir. Mən sənədlərin dəqiqliyini yoxlayıram. İmzalayıb kassaya göndərirəm. Müştəri kassaya yaxınlaşaraq vəsaiti nağdlaşdırır. Elə Zahid Niftəliyevi də bir dəfə kassada, bir neçə dəfə də bankda görmüşəm".

Təqsirləndirilən Zahid Niftəliyev şahidi görmədiyini, bankda cəmi bir dəfə olduğunu və həmin zaman yalnız sənədləri imzaladığını bildirdi.

Daha sonra məhkəmə şahidin ibtidai istintaqa verdiyi ifadə ifadəni elan edib.

Şahid ibtidai istintaqa verdiyi ifadədə bildirib ki, Zahid Niftəliyev müxtəlif vaxtlarda şirkətin hesabına 21.279.000, 6,663.288, 39.733.891 dollar vəsait mədaxil edib. Eyni zamanda, 16.847.000 dollar digər şirkətə köçürülüb. Daha sonra 7.350.000 dollar məxaric olunub. Bununla yanaşı, şahid müxtəlif vaxtlarda 625.000 və 683.000 dollar məbləğində kredit ödənişinin həyata keçirildiyini bildirib.

Lakin təqsirləndirilən banka pul ödəmədiyini məhkəməyə bildirib.

Daha sonra "Ata Bank"ın bank olmayan kredit təşkilatında çalışmış Rüfət Daşdəmirov şahid qismində ifadə verib.

Şahid müştərilərlə ünsiyyətdə olmadığını, yanlız ona ötürülən müraciətlərə əsasən əməliyyat apardığını bildirib:

"Müştərilər bankın filialına yaxınlaşır. Filial müştəri ilə danışır, ödəmə qabiliyyətini yoxlayır. Oradan əməliyyat bizə ötürülür. Biz əməliyyatı nəzərdən keçiririk. Aidiyyəti üzrə göndəririk. Qərara əsasən, əməliyyat icra olunur. "Şahin Co" şirkəti tərəfindən filiala müraciət daxil olub. Filial müraciətə baxıb bizə göndərib və kredit ayırmışıq. Orada qərarı mən vermirəm. Mən müştəri ilə ünsiyyətdə olmuram. Əməliyyatı icra edirəm. Müraciətə əsasən, şirkətə 20 milyon dollar kredit ayrılıb. Kredit komitəsinin iclasında iştirak etmişəm. Lakin çıxış etməmişəm. Məruzəni bankın filialı edib".

Hakimin "Siz nəyə əsasən kredit ayrıldığını, şirkətin nizamnamə kapitalının 10 manat olduğu halda pulun geri qaytarılmasına kimin təminat verdiyini deyə bilərsinizmi?" barədə sualına şahid bildirib ki, müraciət hüquqi şəxs tərəfindən olunub:

"Hüquqi şəxslərin nizamnamə kapitalı əksər hallarda 10-15 manat civarında olur. Elə müraciətin də əsas məqsədi şirkətin maliyyə dövriyyəsinin yüksəldilməsi istiqamətində olub.

Dövlət ittihamçısının "girovsuz bu qədər böyük məbləğdə krediti niyə ayırmısınız?" sualına şahid bu qərarı bankın rəhbərliyinin verdiyini bildirdi.

Şahidin ifadəsi ilə ibtidai istintaqa verdiyi ifadə arasında ziddiyyət olub.

İfadə elan olunub:

"Şirkətə kredit ayrılması qanunsuz olub. Kredit müraciətinin edildiyi gün şirkət yaradılıb. Bununla bağlı bankın idarə heyətinn sədri Dəyanət Quliyev göstəriş verdi ki, sənədlər yoxlanılsın, müraciət kredit komitəsində müzakirəyə çıxarılsın. Qalan proseslə işiniz olmasın. Bankın filialı məruzə ilə çıxış etdi. Mən bununla bağlı heç bir sənədə imza atmamışam. Bankın rəhbərliyi razılıq verdi. Bununla da kredit verilməsi barədə qərar qəbul olundu".

Məhkəmənin növbəti iclası fevralın 5-nə təyin edilib.

Qeyd edək ki, Zahid Niftəliyev rüşvət almaqda ittiham olunaraq bir müddət əvvəl həbs olunub. Ona Tərtər Hərbi Məhkəməsinin hökmü ilə şərti cəza verilib, azadlığa buraxılıb. Daha sonra o, Dövlət Təhlükəsizliyi Xidmətinin (DTX) İstintaq baş idarəsi tərəfindən həbs edilib. İstintaq dövründə Gəncə Apellyasiya Məhkəməsi prokurorluğun Tərtər Hərbi Məhkəməsinin hökmü ilə bağlı protestini təmin edib. Z.Niftəliyev vəzifə saxtakarlığı və külli miqdarda rüşvət almaqda təqsirli bilinərək 8 il 6 ay müddətinə azadlıqdan məhrum edilib.

Bundan başqa, Z. Niftəliyev hazırda məhkəmədə araşdırılan cinayət işi üzrə öz adına formal şirkət açaraq "ATABank"dan götürülmüş 42 milyon manat kredit vəsaiti üzrə çıxarılmış məhkəmə qətnaməsini qərəzli olaraq icra etməməkdə ittiham olunur.

İttihama əsasən, Zahid Niftəliyev məqsədyönlü şəkildə həmin məbləğdə kredit almaq məqsədilə "Şahin-CO" adlı şirkət yaradıb, şirkət təsərrüfat və maliyyə vəziyyəti barədə "Ata Bank" ASC-yə saxta məlumatlar təqdim etməklə 2016-cı ildə 12 ay müddətinə 42 milyon 470 min 885 manat manat kredit alaraq xüsusilə külli miqdarda ziyan vurub. O, götürülmüş kreditin ləğv prosesində olan "Ata Bank" ASC-yə ödənilməsi ilə bağlı məhkəmə qətnamələrini qərəzli olaraq icra etməyib.

Onu da qeyd edək ki, xüsusilə külli miqdarda mənimsəmə cinayətində iştirakı araşdırılan digər şəxslərlə bağlı DTX-də cinayət işi ayrılıb.


Sonxeber.az
Telegramda izləyin
Sosial   Baxılıb: 664   Tarix: 16 yanvar 2025  

Şikayətiniz varsa Whatsapp: 051 7028255

Facebookda Paylaş


Oxşar xəbərlər

.

AZAL aviabiletlərə 25 % endirim edib

Bu il fevralın 16-dək sərnişinlər "Azərbaycan Hava Yolları" (AZAL) QSC-nin bütün beynəlxalq istiqamətləri üzrə aviabiletləri 25 % endirimlə əldə edə biləcəklər. bu barədə AZAL-a istinadən xəbər verir. Məlumata görə, təklif mayın 31-dək həyata keçirilən reyslərə şamil olunur. Endirim kampaniyas

8 fevral
.

AQTA: Qoyun əti quzu əti ilə müqayisədə istehlak üçün daha faydalı hesab edilir

Azərbaycanda qoyun əti quzu əti ilə müqayisədə istehlak üçün daha faydalı hesab edilir. Bu barədə "Report"a Azərbaycan Qida Təhlükəsizliyi Agentliyindən (AQTA) məlumat verilib. Bildirilib ki, son illərdə ölkədə qoyunçuluğun inkişaf dinamikasında azalma müşahidə edilib:. "Yetişdirilən qoyu

8 fevral
.

Azərbaycanda neçə qadın vəkil var?

Azərbaycanda hazırda 2 503 vəkil fəaliyyət göstərir. xəbər verir ki, bu barədə Vəkillər Kollegiyasının 2024-cü il üzrə fəaliyyəti barədə hesabatında qeyd olunub. Bildirilib ki, bunlardan 2 003 nəfəri kişi, 500 nəfəri qadındır. Həmin şəxslərdən 2 034 nəfəri Bakıda, 469 nəfəri isə regionlarda fəaliyyə

9 fevral
.

Əsgərlərlə görüşə getmək istəyənlərin nəzərinə

"Ölkəmizdə mövsümü xarakter daşıyan respirator virus infeksiyalarına yoluxma halları nəzərə alınaraq adaptasiya dövründə olan gənc əsgərlərin sağlamlığının qorunması məqsədilə hərbi hissələrdə görüşə müvəqqəti məhdudiyyət qoyulub". -ın xəbərinə görə, bu barədə Müdafiə Nazirliyindən məluma

8 fevral
.

Sosial media asılılığından xilas olmaq üçün Azərbaycanda klinika açılacaq?

"Baku Aktual" verilişinin budəfəki buraxılışında sosial medianın insan həyatına təsirlərindən bəhs olunub. "Z" və "Alfa" nəslinin zövqünə necə uyğunlaşmalı?. Dövrün insanı kitabsız qalıb, yoxsa mütaliəsiz?. Proqramda yazıçılar Varis Yolçiyev, Rövşən Abdullaoğlu, İlhamə Nasir

9 fevral
.

Ardıcıl 7 gün İŞ OLMAYACAQ - BU TARİXLƏRDƏ

Mart ayında 8 qeyri-iş günü var. 2025-ci il üçün iş vaxtı norması və istehsalat təqvimində 8 Mart - Qadınlar Günü, 20, 21, 22, 23, 24 mart - Novruz bayramı, 30, 31 mart - Ramazan bayramıdır. Belə ki, 8 Mart–Qadınlar Günü şənbə gününə təsadüf etdiyindən həftənin bazar ertəsi, yəni martın 10-da da (ardıcı

9 fevral
.

Bakıda küçədən F1 əl qumbarası aşkarlanıb

Bakıda əl qumbarası aşkarlanıb. Bu barədə -a Fövqəladə Hallar Nazirliyindən məlumat verilib. Bildirilib ki, nazirliyin "112" qaynar telefon xəttinə Bakı şəhəri, Xətai rayonu ərazisində sursat aşkar edilməsi barədə məlumat daxil olub. Məlumatla əlaqədar dərhal FHN-in Xüsusi Riskli Xilasetm

8 fevral
.

Qəza törədən qaziyə CƏZA VERİLDİ

Ağcabədidə ölümlə nəticələnən yol-nəqliyyat hadisəsi törədən "Vətən müharibəsi iştirakçısı"na hökm oxunub. -a istinadən xəbər verir ki, hadisə Ağcabədi rayonun Hindarx qəsəbəsində baş vermişdi. 1991-ci il təvəllüdlü Emil Sahib oğlu Mirzayevə məxsus VAZ-21011 markalı avtomobillə 1940-cı il təvəllüdl

9 fevral
.

Azərbaycanda 40 nəfər yanaraq ölüb

2024-cü ildə Azərbaycanda 14458 yanğın hadisəsi olub. bu barədə Fövqəladə Hallar Nazirliyinə istinadla xəbər verir. Məlumata əsasən, ötən il baş verən yanğın hadisələrində 40 nəfər ölüb, 210 nəfər xəsarət alıb. Bundan əlavə həmin yanğın hadisələri zamanı 78 nəfər FHN xilasediciləri tərəfindən xilas olunub

8 fevral