"Beyin ölümü" keçirən şəxs həyatda ikən orqanlarını götürmək dolayısı ilə onun ölümünə səbəb olmaqdır" - AÇIQLAMA

"İnsan tamamilə öldükdən sonra köçürülməyə yararlı tək orqanı gözün buynuz qişasıdır. Beyin ölümü reallaşan, əslində, hələ həyatda olan insandan orqan köçürülməsi məsələsi isə olduqca mübahisəlidir" - bunu Sonxeber.az -a açıqlama verən sosioloq Lalə Mehralı deyib.

O bildirib ki, "beyin ölümü" diaqnozu qoyulan şəxs hələ ölmüş hesab edilmir:

"Beyin ölümü" adlandırılan diaqnozun özü də şübhəli məqamlar ehtiva edir. Beyin ölümü diaqnozu qoyulan xəstə hələ həyatdadlr, ölümü təsdiqlənməyib. O həyatda ikən orqanlarını götürmək dolayısı ilə onun ölümünə səbəb olmaqdır. Bu diaqnozun mövcudluğundan qlobal orqan mafiyasının istifadə etməsi və dünyada orqan ticarətinin dövriyyəsinin fantastik rəqəmlərlə ölçülməsi barədə iddialar var.

Donorun orqanlarının götürülməsi üçün həmin şəxs tibbi cəhətdən ölmüş olmalıdır. Tibb elmi beyin ölümü reallaşanda xəstəni ölmüş hesab edir, lakin şüuru qapalı şəkildə həyata davam etməyin bir yolu da vegetativ həyatdır. Belə xəstələr nəfəs alırlar, ancaq şüurları sağlam insanların şüurları kimi işləmir. Vegetativ həyat tibbi ölüm deyil. İnsanın şüuru açıq və ya tənəffüs aparatına bağlı olmasa belə, həmin şəxs vegetativ vəziyyətdədirsə, o hələ yaşayır, həmin adamın orqanları çıxarılmır.

Dünyada beyin ölümü gerçəkləşən xəstələrin yalnız gözün buynuz qişası donorluğu üçün yararlı olduğu barədə ciddi tədqiqatlar aparılır. Bu da önümüzə bir sual işarəsi qoyur: "Bəlkə vegetativ həyatda olan pasiyentlərə "beyin ölümü reallaşıb" diqnozu qoyub orqanlarını götürürlər?" Yəni bu məsələ mübahisəlidir".

Çiçək Sadatova

Telegramda izləyin