"Azərbaycan-Pakistan arasındakı qardaşlıq münasibətlərinin və qarşılıqlı dəstəyə söykənən strateji tərəfdaşlığın uzun tarixi var" - DEPUTAT

"Azərbaycan-Pakistan münasibətləri qarşılıqlı etimad və dostluq üzərində qurulub. Bu gün iki ölkə arasında əməkdaşlıq bütün sahələrdə uğurla inkişaf etdirilməkdədir".

Bunu Sonxeber.az-a danışan deputat Cavanşir Paşazadə bildirib.

Depuat qeyd ki, Azərbaycan-Pakistan arasındakı qardaşlıq münasibətlərinin və qarşılıqlı dəstəyə söykənən strateji tərəfdaşlığın uzun tarixi var.

"Pakistan İslam Respublikasının Baş naziri Məhəmməd Şahbaz Şərifin ölkəmizə rəsmi səfəri ölkələrimiz arasında qardaşlıq əlaqələrini gücləndirəcək. Azərbaycan-Pakistan hər zaman beynəlxalq təsisatlarda bir-birini dəstəkləyib. Ümumiyyətlə Pakistan ilə Azərbaycan arasında bu cür qardaşlıq münasibətləri iki qardaş müsəlman ölkəsi arasında tərəfdaşlığın yaxşı nümunəsidir. İki ölkə arasındakı münasibət siyasi, iqtisadi, hərbi və mədəni-humanitar sahələri əhatə edir. Ölkə başçılarının və digər yüksək vəzifəli şəxslərin səfərləri, imzalanan müxtəlif sahələrdə əməkdaşlığın genişləndirilməsinə yönəlmiş mühüm sazişlər münasibətlərimizi daha da sarsılmaz edir. Məz buna görə də Pakistanın Baş naziri Məhəmməd Şahbaz Şərifin son səfəri də ikitərəfli münasibətlərin inkişafı baxımdan xüsusi önəm daşıyır".

Deputat söyləyib ki, cənab prezident İlham Əliyev Pakistanla əlaqələrin inkişafına xüsusi önəm verir:

"Bu, ölkələrimiz arasında ikitərəfli münasibətlərin inkişaf dinamikasına mühüm təkan verir. Ən önəmlisi isə müxtəlif sahələrdə əməkdaşlığın genişləndirilməsində xüsusi rol oynayır. Bu da təsadüfi deyil, siyasi, hərbi, iqtisadi və mədəni sahələrdə ikitərəfli əlaqələrin möhkəmləndirilməsinə yönəlmiş fəal xarici siyasət yürüdən Azərbaycan Pakistana Cənubi Asiya regionunda özünün əsas strateji tərəfdaşlarından biri kimi baxır Bu gün imzalanmış razılaşmalar yalnız indicə gördüyümüz mərasimlə məhdudlaşmır. Cənab Baş nazirin səfəri zamanı 10-dan çox saziş imzalandı. Əminəm kiz. u sazişlər gələcək əməkdaşlıq üçün yaxşı bünövrə yaradacaq. Sərmayə planlarımız əsasında, ticari dövriyyəmizin də artımını görəcəyik.

Məhəmməd Şahbaz Şərifin səfəri çərçivəsində müdafiə sənayesi məhsullarının birgə istehsalı imkanlarıda müzakirə edildi. Bu Pakistanla əməkdaşlığımızın digər mühüm sektoru olacaq. Bilirik ki, Pakistanın çox inkişaf etmiş müdafiə sənayesi var. Azərbaycan da öz potensialını inkişaf etdirir. Müdafiə sənayesinin məhsullarını artıq 30-dan çox ölkəyə ixrac edirik. Düşünürəm ki, birgə istehsal ilə təchizatımız – ixracyönümlü təchizatımız daha da artacaq. Müzakirə olunan digər mühüm sahə bağlantı və daşımalardır. Beynəlxalq daşımalar dəhlizlərinin ayrılmaz hissəsi olan Azərbaycanın daşımalar infrastrukturunun imkanlarının artırılması məqsədilə cənab Baş nazirə planlarımız, müqavilələr və imzaladığımız razılaşmalar barədə məlumat verdim - istər Şimal-Cənub və ya Şərq-Qərb. Azərbaycan hər ikisində iştirak edir. Əlbəttə ki, bu, bağlantı və daşımaların, iqtisadi inkişafın, o cümlədən siyasi sabitliyin mühüm elementidir. Bir-birinə yaxın yerləşən ölkələr bu cür çoxtərəfli əməkdaşlıq formatında iştirak etdiyi zaman vəziyyət bizim regionlarda daha proqnozlaşdırılan olur. Bu, həmçinin regional sabitliyin mühüm meyarıdır".

Deputat vurğulayıb ki, Pakistan bizim üçün ən yaxın dost və qardaşlardan biridir:

"Bu gün Azərbaycan-Pakistan arasında güclü qardaşlıq əlaqələri mövcuddur. 44 günlük Vətən müharibəsi zamanı küçələrə axışan xalqımız əllərində Azərbaycan, Türkiyə, Pakistan bayrağı ilə qələbə sevincinin xoşbəxtliyini yaşamaqları təsadüfi deyildi. Çünki Pakistan Vətənn müharibəsi zamanı və ondan sonrakı dövrdə Azərbaycanın yanında olaraq öz siyasi və mənəvi dəstəyi ilə bizi böyük Zəfərə ruhlandırdı. Xalqımız bu qardaşlıq dəstəyini heç zaman unutmayacaq".

Telegramda izləyin