Martda havanın temperaturunun 22 dərəcəyədək yüksəlməsi normaldır

Mart ayı üçün havanın temperaturunun 22 dərəcəyədək yüksəlməsi normaldır.

Sonxeber.az xəbər verir ki, bunu "Report"a açıqlamasında Milli Hidrometeorologiya Xidmətinin Proqnozlar bürosunun direktoru Gülşad Məmmədova deyib.

Direktor xatırladıb ki, 2008-ci ildə Bakıda mart ayı üçün maksimal temperatur 31 dərəcə olub:

"2023-cü ildə isə havanın maksimal temperaturu 28 dərəcəyədək yüksəlib. Odur ki, indiki yüksək temperaturun müşahidə olunması normaldır".

G.Məmmədova əlavə edib ki, yaxın günlərdə ölkə ərazisində müşahidə olunan hava şəraitində mühüm dəyişiklik gözlənilmir. Mülayim cənub qərb küləyinin üstünlüyü müşahidə olunacaq".

Qeyd edək ki, Milli Hidrometeorologiya Xidmətinin məlumatına əsasən martın 8-i üçün ölkə ərazisində havanın temperaturu 22 dərəcəyədək isti olacaq.

Telegramda izləyin