"Aprel döyüşləri tariximizə böyük Zəfərin başlanğıcı kimi həkk olunub" - DEPUTAT

"Azərbaycan Ordusunun qələbəsi ilə yekunlaşan tarixi Aprel döyüşlərin başlanmasından 9 il ötür".

Bunu Sonxeber.az-a danışan deputat Cavanşir Paşazadə bildirib.

Deputat qeyd edib ki, Aprel döyüşlərindəki əldə edilən nailiyyətlər xalqımızda tezliklə ərazi bütövlüyünün bərpa edilməsi inamını daha da artırdı:

"Aprel döyüşləri Azərbaycan xalqının birliyinin və qələbəyə inam hissinin rəmzi oldu. Düşməni və onun havadarlarını qoruxuya salan Aprel döyüşlərində əldə etdiyi qələbə ilə Azərbaycan bütün dünyaya tezliklə ədaləti bərpa edəcəyini məsajını verdi.Ən önəmlisi ilə Aprel döyüşləri ordumuzun müasir silah və texnika ilə tam təmin olunmasını və hərbiçilərimizin gücünü və peşəkarlığını nümayiş etdirdi. Ermənistan silahlı qüvvələri 2016-cı il aprelin əvvəllərində Azərbaycanın ön xətt mövqelərini və yaşayış məntəqələri intensiv artilleriya atəşinə tutması nəticəsində ordumuz əks-həmlə ilə düşməmin təxribatların qarşısını aldı. Aprel döyüşlərində ordumuz tək düşmənin intensiv təxribatlarının qarşısını almadı, həm də Tərtər rayonunun Talış kəndi ətrafındakı yüksəkliklər, Cəbrayıl rayonunun Lələtəpə yüksəkliyi və Cocuq Mərcanlı, Goranboy rayonunun Gülüstan kəndi və Tərtər rayonunun Madagiz kəndi istiqamətində bir sıra mövqeləri düşməndən azad etdi. Hərbiçilərimizin igidliyi sayəsində mənfur qonşularımızın öz orduları haqqında yaratdıqları mif alt-üst edildi. Azərbaycan Ordusunun şücaəti qarşısında düşmən öz planlarını reallaşdıra bilmədi. Düşmənin atəş nöqtələrinə və artilleriya qurğularına vurulan zərbələr, kəşfiyyat orqanları tərəfindən həyata keçirilən müvafiq tədbirlər nəticəsində Azərbaycan Ordusu irəlilədi. Azərbaycan bayrağı Lələtəpə yüksəkliyində asıldı.Üçrəngli bayrağımızın Lələtəpə yüksəkliyində dalğalanması doğma Qarabağın işğaldan azad ediləcəyi günün uzaqda olmadığını göstərdi. Bir sözlə Aprel döyüşləri böyük Zəfərin başlanğıcı kimi tariximizə yazıldı".

Deputat vurğulayıb ki, Müzəffər Ali Baş Komandan İlham Əliyevin rəhbərliyi ilə Azərbaycan Ordusu 44 günlük Vətən müharibəsi zamanı torpaqlarımızı işğalçılardan təmizləyərək ərazi bütövlüyümüzü bərpa etdi:

"Tarixi ədalət bərpa olundu və tarixi torpaqlarımız əsl sahiblərinə geri qaytarıldı. 44 günlük Vətən müharibəsindən sonra bölgəmizdə yeni reallıq yarandı.Biz düşməni torpaqlarımızdan qovaraq BMT Təhlükəsizlik Şurasının qətnamələrini öz gücümüzə yerinə yetirdik. Bu gün Azərbaycan ərazi bütövlüyünü və suverenliyini tam bərpa edib. Növbəti hədəfimiz qərbi azərbaycanlıların təhlükəsiz şəkildə öz doğma yurdlarına qayıtmasıdır. Əminəm ki, tezliklə Ali Baş Komandan İlham Əliyevin rəhbərliyi ilə bu hədəfimizə nail olacağıq".

Telegramda izləyin