Xanım sürücüyə "Sağ ol" dedi, cərimə edildi

Bakıda kişi sürücü xanım sürücüyə "Sağ ol" işarəsi etdiyinə görə cərimələnib.

Qaynarinfo-nun məlumatına görə, 1976-ci il təvəllüdlü Y.D. saxlanılaraq, barəsində İnzibati Xətalar Məcəlləsinin 510-cu maddəsi ilə protokol tərtib edilib və iş məhkəməyə göndərilib.

Məhkəmədə məlum olub ki, Y.D. idarə etdiyi avtomobildə qarşıdan gələn maşının sürücüsü Afaq Əliyəsər qızına qarşı nalayiq ifadələr işlədib. Y.D. məhkəmədə Afaqa qarşı hər hansı nalayiq ifadə işlətmədiyini və xanım sürücü yolda qəza şəraiti yaratdığına görə ona irad bildirdiyini deyib. Məhkəməyə təqdim edilmiş videoda görünən hərəkətdə isə o, qarşı tərəfə "Sağ ol" işarəsi etdiyini bildirib.

Məhkəmənin qərarı ilə D.Y. barəsində 50 manat məbləğində inzibati cərimə növündə tənbeh tədbiri tətbiq edilib.

Telegramda izləyin