40 yaşdan sonra dəriyə qulluq vasitələri

Mütəxəssislərin fikrincə, 40 yaşdan sonra üz dərisinə qulluq özünəməxsus xüsusiyyətlərə malikdir. Bu xüsusiyyətləri bilmək vacibdir ki, gəncliyi daha uzun müddət qorumaq mümkün olsun. 40 yaşdan sonra dəriyə qulluq xüsusi yanaşma tələb edir, çünki bu yaşda qadın orqanizmində əhəmiyyətli dəyişikliklər baş verir.

Lent.az bu dövrdə qulluq qaydalarını təqdim edir:

Yaş artdıqca dəridə baş verən dəyişikliklər

Kosmetoloq Dariya Tişenkonun izahına görə, 40 yaşdan sonra orqanizmdə kollagen istehsalı azalır. Kollagen isə dərinin dartılmış və elastik qalmasına cavabdehdir. Bu azalmanın nəticəsində:

Qırışlar artır

Dərinin tonu və elastikliyi azalır

Üz həcmi tədricən itir

Bu yaşda tövsiyə olunan qulluq vasitələri:

Antioksidantlı serumlar – məsələn, C vitamini. Dərinin rəngini yaxşılaşdırır və piqment ləkələrinə qarşı mübarizə aparır.

Peptidlər və kollagen stimulyatorları – dərinin elastikliyini bərpa etmək üçün.

Retinol – gecə istifadəsi üçün (retinolun faiz dərəcəsini mütləq həkim müəyyən etməlidir).

Liftinq prosedurları və üz konturunun formalaşdırılması üçün prosedurlar, həmçinin dodaq kontur korreksiyası – qırışların azaldılması və təravətin qorunması üçün. Botulinoterapiya və biorevitalizasiya – kollagenin sintezinə və dərinin nəmləndirilməsinə kömək edir.

"Qocalma qaçılmazdır, lakin düzgün qulluqla bu prosesi yavaşlatmaq və ‘gözəl’ yaşlanmaq mümkündür", – mütəxəssislər bildirir.

Ev şəraitində dəriyə qulluq

Yaşam tərzi də dəriyə qulluqda mühüm rol oynayır. 40 yaşdan sonra qadınlara tövsiyə olunur:

Xlorlu su ilə yuyunmaqdan çəkinmək

Üz üçün nəzərdə tutulmuş xüsusi yuyucu vasitələrdən istifadə etmək

Kobud hissəciklərə malik skrablardan imtina etmək

Spirt tərkibli dəriyə qulluq vasitələrindən uzaq durmaq

Siqaret və alkoqoldan uzaq durmaq

Günəş altında uzun müddət qalmaqdan çəkinmək

Qidalanmaya diqqət yetirmək

Su istehlakını optimallaşdırmaq

Aktiv həyat tərzi sürmək

Dərinin parlaqlığını itirməsi

Yaş artdıqca hüceyrə mübadiləsi 30–50% azalır (30–80 yaş arasında). Gənclərdə dəri təbəqəsi orta hesabla 20 günə yenilənirsə, yaşlılarda bu müddət 30 günə qədər uzana bilər. Bu da o deməkdir ki, ölü hüceyrələr dəridə daha uzun müddət qalır və dərinin yenilənməsi ləng gedir – nəticədə dəri daha tutqun və cansız görünür.

Göz qapaqlarının sallanması

40 yaşdan sonra göz qapaqlarında sallanma problemi tez-tez müşahidə olunur – əvvəllər olmasa belə. Bəzi insanlarda bu genetik səbəbdən daha erkən yaşlarda da baş verə bilər. Amma yaşla bu problem güclənirsə, bu, qocalmanın açıq əlamətidir.

Vəziyyəti ağırlaşdıran faktorlar:

Stress

Süni işıqlandırma şəraitində işləmək

Günəş altında uzun qalmaq

Göz ətrafı əzələlərin zəifliyi

Endokrin və sistem xəstəlikləri

Telegramda izləyin