"5 dil bilirəm" - 12 yaşlı Nübar - Video

Culfa rayonunun Camaldın kəndindən olan 6-cı sinif şagirdi Nübar Tağıyeva dil bilikləri ilə həmyaşıdlarından fərqlənir.

"Qafqazinfo" xəbər verir ki, ingilisdilli təmayüldə təhsil alan qız ana dilimizlə yanaşı 4 dil - ingilis, rus, alman dillərini və Türkiyə türkcəsini bilir.

12 yaşlı Nübar hazırda alman dilini öyrənir: "Demək olar ki, 5 dil bilirəm. Alman dilini öyrənirəm. Azərbaycan, ingilis, rus və türk dillərini isə bilirəm. Dil öyrənmək həvəsini valideynlərim məndə yaradıb. Dil öyrənməyə marağım var idi. Bir dili öyrənəndən sonra digər dilləri də öyrənmək asan olur. Gələcək üçün iki planım var: dizayner, ya da diplomat olmaq istəyirəm. Xarici dil biliklərimə görə diplomat olsam, Azərbaycanı başqa ölkələrdə təmsil edə bilərəm".

Nübarın bacısı Xumar da onun kimi Azərbaycan, ingilis, rus dillərini və Türkiyə türkcəsini bilir. Hədəfi isə pilot olmaqdır.

Qeyd edək ki, 12 yaşlı qız alman turistə Haçadağ haqqında ingiliscə məlumat vermiş, onun videosu ölkəmizdə maraqla qarşılanmışdı.

Daha ətraflı Baku TV-nin süjetində:

Telegramda izləyin