Pomidor şirəsinin əvəzsiz faydası açıqlandı

"Duzlu olmayan pomidor şirəsində olan likopin ASLP, yəni "pis xolesterin" adlanan maddənin istehsalını azaldır".

Oxu.Az-ın "Daily Mail"ə istinadla verdiyi məlumata görə, bu barədə Böyük Britaniyanın Milli Səhiyyə Xidmətinin kardioloqu Ranca Sinqh bildirib.

Həkim ASLP-nin (aşağı sıxlıqlı lipoproteinlər) orqanizmdə xolesterini daşıyan molekul növü olduğunu izah edib.

"Mülayim miqdarda xolesterin normal həzm prosesi, həmçinin D vitamini və hormonların istehsalı üçün lazımdır. Lakin ASLP formasında xolesterin artıqlığı qan axınının keyfiyyətini pisləşdirərək damar divarında ərplərin yaranmasına səbəb olur. Aşağı sıxlıqlı lipoproteinlərin səviyyəsini azaltmağa liflərlə zəngin məhsullar - tərəvəzlər, meyvələr, giləmeyvələr və taxıllar kömək edir. Bəzi içkilər, məsələn, pomidor şirəsi də bu xüsusiyyətə malikdir", - deyə mütəxəssis bildirib.

Doktor Sinqh dəqiqləşdirib ki, pomidor şirəsinin faydalı xüsusiyyətləri yüksək likopin tərkibi ilə bağlıdır:

"Bu bitki piqmenti antioksidant kimi işləyir, yəni sağlam hüceyrələrin zədələnməsinin qarşısını alır. Araşdırmalar göstərib ki, likopin qanda normal xolesterin səviyyəsini bərpa etməyə kömək edir, ürəyin işemik xəstəliyi riskini azaldır və ateroskleroz, insult və miokard infarktının qarşısını alır".

Kardioloq sonda qeyd edib ki, qoruyucu effekt əldə etmək üçün duzsuz şirə seçmək lazımdır.

Telegramda izləyin