Zaur və Günayın ölkədən birdəfəlik köçü yenidən gündəmə gəldi - ATV bəyanat yaymışdı

Bu gün tanınmış telejurnalist, ATV-nin "Bizimləsən" və "Zaurla Günaydın" verilişlərinin aparıcısı Zaur Baxşəliyevin ailəsi ilə birgə ölkədən gedəcəyi ilə bağlı yenidən məlumat yayılıb.

Ölkə.Az xəbər verir ki, məqalədə telekanalda məsul vəzifə tutan şəxsinə istinad edilir.

Onun sözlərinə görə, aparıcı yaxın vaxtlarda, ən gec sezon sonunda Zaur Baxşəliyevin müəllifi olduğu hər iki veriliş bağlanacaq.

Lakin sözügedən xəbər mətni ötən ilin yanvar ayına aiddir. Belə ki, həmin informasiyadan sonra ATV rəsmi bəyanat yayaraq məsələyə münasibə bildirib.

Telekanal bu xəbərin yanlış olduğunu və özünü məsul şəxs kimi təqdim edənin dələduzluq etdiyini bildirib.

"Zaur Baxşəliyev ATV telekanalında 20 ildən çoxdur ki, müvəffəqiyyətlə çalışır və yüksək istedadı, savadı, televiziya təcrübəsi, əmək intizamı ilə seçilir. Onu tanıyanlar bilirlər ki, yayım fəaliyyəti ilə bağlı hər hansı dəyişiklik barədə o, ilk növbədə öz kollektivi, həmkarları və telekanalın rəhbərliyi ilə bölüşər. Zaur və Günay Baxşəliyevlər uzun illərdir ki, geniş tamaşaçı auditoriyasını maraqlı, aktual və sevilən verilişlərlə sevindirirlər. Onlar daim öz verilişlərini təkmilləşdirir və zənginləşdirir, həmkarları ilə yeni maraqlı ideyaları bölüşürlər", - deyə bəyanatda qeyd edilmişdi.

Telegramda izləyin