Bakıda koronavirus yayılıb? - Tibbi ekspert açıqladı

"Rəsmi statistika olmadan nəsə demək çətindir. Klassik mövsümi respirator xəstəlikləri hər yazda olur. İndi may ayı çox qeyri-stabil keçir. Bir gün +28, səhəri gün isə +14 dərəcə olur".

Bunu Qaynarinfo-ya açıqlamasında tibbi ekspert Müşfiq Hüseynov Bakıda COVID-19 infeksiyasının yayılması ilə bağlı məlumata aydınlıq gətirərkən deyib. Ekspert bildirib ki, hava şəraitinin qeyri-sabit keçməsi özü ilə soyuqlama və respirator problemlər gətirir:

"Hər bir qrip isə bu və ya digər formada virus formasıdır. Virus bəzən yüngül, bəzən ağır keçir. Buna xüsusi diqqət ayırıb, ictimailəşdirməyin mənası yoxdur. Hər kəs nəyi edib, nəyi etməyəcəyini çox gözəl bilir".

Ekspert hər kəsə öz sağlamlığının qayğısına qalmağı tövsiyə edib:

"Klassikləşən tədbirlər paketi var. Kəskin hava dəyişikliyindən özünüzü qoruyun, normal mövsümi tərəvəzlərlə qidalanın, vaxtında yatın, təmiz havada gəzin və s. Hər bir xəstəlikdə ən düzgün yol ondan qorunmaqdır".

Telegramda izləyin