Avtobuslarda kondisionerlər nə vaxtdan işləyə bilər? - Rəsmi AÇIQLAMA

İctimai nəqliyyatda, xüsusilə də avtobuslarda havaların istiləşməsi fonunda soyuducu sistemlərinin işləməməsi ilə bağlı redaksiyamıza çoxsaylı vətəndaş şikayətləri daxil olur. Sürücülər isə bu sistemlərin işə salınması üçün hələlik icazə verilmədiyini bildirirlər.
Bəs, avtobuslarda kondisioner (soyuducu) sistemlərinin istifadəsinə rəsmi icazə hansı tarixdən veriləcək? Bu məsələ ilə bağlı hər hansı yeni qərar və ya tənzimləmə nəzərdə tutulubmu?

Mövzu ilə bağlı Sonxeber.az-a AYNA-nın ( Azərbaycan Yerüstü Nəqliyyat Agentliyi) mətubat katibi Tural Orucov danışıb.

O, açıqlamasında qeyd edib ki, havanın temperaturundan asılı olaraq avtobuslarda sərinləndirmə sistemlərinin işlək vəziyyətə gətirilə bilər:

"Hər il yay mövsümü başlamazdan əvvəl müntəzəm sərnişindaşıma fəaliyyəti göstərən daşıyıcılara rəsmi qaydada xəbərdarlıq məktubu göndərilir. Havanın temperaturundan asılı olaraq avtobuslarda sərnişinlərin rahatlığı üçün sərinləndirmə sistemlərinin işlək vəziyyətə gətirilməsi tapşırığı verilib".

Vüsalə İbrahimli

Telegramda izləyin