"Üç qardaş ölkənin liderlərinin Laçında birgə verdiyi məsaj regionda sabitlik və əməkdaşlıq üçün yeni imkanlar yaradacaq" - Deputat

"Bu gün Azərbaycanın xarici siyasəti dostluq və qardaşlıq münasibətləri üzərində qurulub".

Bunu Sonxeber.az-a danışan deputat Cavanşir Paşazadə bildirib.

Deputat qeyd edib ki, 44 günlük Vətən müharibəsində əldə etdiyimiz möhtəşəm zəfərdən sonra regionda yeni reallıqlar yaranıb.Tarixi Zəfərimiz, ərazi bütövlüyümüzün və suverenliyimizin tam bərpa edilməsi Azərbaycanın digər sahələr kimi, xarici siyasətdə də uğurlarının davamlılığında əhəmiyyətli rol oynayır. 44 Vətən müharibəsi sübut etdi ki, münasibətlərdə qarşılıqlı etimad mühitinin, səmimi dostluq münasibətlərinin qorunması əsasdır. 44 günlük İkinci Qarabağ müharibəsinin gedişi dövründə dostluğu, qardaşlığı bütün dövrlər üçün dünyaya nümunə olan Azərbaycan-Türkiyə, eyni zamanda, Azərbaycan-Pakistan münasibətlərinin əyani nümayişinin bir daha şahidi oldu. Tarixi Zəfərimizdən sonra hər üç ölkə arasındakı dostluq və qardaşlıq əlaqələrinin əlaqələri daha da artırdı. Münasibətlər günbəgün daha yüksələn xətlə inkişaf edir, əməkdaşlıq formatlarının tərkibi genişlənir. 2021-ci ilin iyun ayında Qarabağın tacı Şuşada Azərbaycan və Türkiyənin dostluğu, qardaşlığı, müttəfiqliyi rəsmiləşdirildi. Tarixi Şuşa Bəyannaməsi imzalandı. Bunun ardınca isə həmin ilin iyul ayında Azərbaycan, Türkiyə və Pakistan parlament sədrləri səviyyəsində sarsılmaz dostluğun, qardaşlığın əsasını Bakı Bəyannaməsini imzalmaqla təsdiqlədilər. Ötən ilin iyul ayında isə Astanada Azərbaycan Respublikasının Prezidenti İlham Əliyev, Türkiyə Respublikasının Prezidenti Rəcəb Tayyib Ərdoğan və Pakistan İslam Respublikasının Baş naziri Məhəmməd Şahbaz Şərif arasında üçtərəfli görüş keçirildi.

Bu il Azərbaycanın Müstəqillik Günü tarixə qızıl hərflərlə həkk olundu. Laçında üç qardaş ölkənin liderlərinin Zirvə görüşünün keçirilməsi münasibətlərin və əlaqələrin daha da inkişaf edəcəyini sübut etdi. Bu gün Azərbaycan, Türkiyə və Pakistan bir-birinə yaxın dost və qardaş ölkələr kimi beynəlxalq münasibətlər sistemində xüsusi yer tuturlar. Bu əlaqələrin əsasını xalqlarımızın ortaq tarixi, dini-mənəvi dəyərləri və bir-birinə olan sarsılmaz bağlılığı təşkil edir. Tarixi köklərə dayanan bu münasibətlər zamanın sınaqlarından keçərək daim güclənib və müasir dövrdə strateji tərəfdaşlıq səviyyəsinə yüksəlib".

Deputat vurğulayıb ki, cənab prezident İlham Əliyevin Laçında keçirilən Zirvə görüşündəki çıxışında xüsusi qeyd etdiyi kimi Azərbaycan və Türkiyənin əməkdaşlığı nəticəsində yalnız bölgəmizin deyil, geniş coğrafiyanın enerji xəritəsi dəyişib:

"Ölkələrimiz enerji təhlükəsizliyinin təmin edilməsində əhəmiyyətli rola malik olub. Bu gün bərpaolunan enerjinin istehsalı və ixracı istiqamətində böyük layihələrə start verilib. Bununla yanaşı, Azərbaycan və Türkiyədən keçməklə Asiya ilə Avropanı birləşdirən nəqliyyat yolları strateji əhəmiyyət daşıyır. Multimodal yük marşrutunun inkişafı yolu ilə Pakistanın da bu təşəbbüsdə yaxından iştirakının əməkdaşlığımıza daha da təkan verəcəyinə əminik. Laçında keçirilən Zirvə görüşündə Türkiyə Prezidenti Rəcəb Tayyib Ərdoğan və Pakistanın Baş naziri Məhəmməd Şahbaz Şəriflə birgə nümayiş etdirilən həmrəylik beynəlxalq arenada mühüm mesaj verdi:.

Ölkə başçımızın da vurğuladığı kimi sağlam təməllər üzərində qurulan üçtərəfli əməkdaşlıq təkcə bugünkü siyasi maraqlar üzərində deyil, həm də ortaq tarix, mədəniyyət və dəyərləri özündə birləşdirir. Laçından verilən birlik mesajı da buna sübutdur. Üç qardaş ölkənin liderlərinin birgə verdiyi məsaj regionda sabitlik və əməkdaşlıq üçün yeni imkanlar yaradacaq. Laçında keçirilən Zirvə görüşü həm də bu əməkdaşlığın gələcəkdə daha da dərinləşəcəyi və yeni sahələri əhatə edəcəyi istisna edilmir".

Telegramda izləyin