Bakıda keçiriləcək "Əmlakda risklər və yeni imkanlar" adlı forumla bağlı mətbuat konfransı keçirilib

Ölkəmizin daşınmaz əmlak və əmlakçılıq sahəsində fəaliyyət göstərən sahibkar və ya şəxslərin məlumatlılıq səviyyəsinin artırılması, əmlakçıların biznes subyektinə çevrilməsi, inşaat və əmlak sahəsində olan problemlərin aradan qaldırılması beynəlxalq təcrübənin öyrənilməsi, doğru partnyorluqların qurulması və korporativ əmlakçılığın inkişafı üçün iyunun 28-də "Əmlakda risklər və yeni imkanlar" adlı forum keçiriləcək.

Sonxeber.az xəbər verir ki, bu gün keçirilən mətbuat konfransında forum haqqında məlumat verən Kiçik və Orta Biznes Subyektləri və Klublarının Assosiasiyası (KOBSKA) İdarə Heyətinin sədri Ramin Şərifov tədbirin KOBSKA, Altın Emlak, Gbaru.com və 7 Heaven MMC-nin təşkilatçılığı ilə həyata keçəcəyini bildirib.

Həmçinin, Ramil Şərifov forumda bir sıra inşaat və əmlak şirkətləri ilə yanaşı, həmçinin bank tərəfdaşı və bir sıra dövlət orqanlarının əməkdaşlarının da iştirak edəcəyini də vurğulayıb.

Daha sonra çıxış edən "Gbaru.com" platformasının təsisçisi və direktoru İlkin Dövlətov foruma Türkiyənin daşınmaz əmlak sahəsində dünyaca məhşur təlimçisi və eksperti Barış Kılıçarslanın dəvət olunduğunu söyləyib.

Qeyd edək ki, forum 28.06.2025-ci il tarixdə, saat 10:00-da Ramada by Wyndham Baku otelinin böyük zalında keçiriləcəkdir.

Tədbirdə 200-dən çox qonağın iştirakı nəzərdə tutulub.

Telegramda izləyin