Taksilərdə pos-terminallar nə vaxt quraşdırılacaq? - AÇIQLAMA

Nazirlər kabinetinin 28 mart 2024-cü il tarixində təsdiq etdiyi "Müntəzəm və taksi minik avtomobili ilə sərnişindaşımalarında istifadə olunan avtonəqliyyat vasitələrinin texniki göstəriciləri, daxili və xarici tərtibatına dair tələblər"ə əsasən, hüquqi şəxslərin və ya fərdi sahibkarların sərnişindaşımalarında istifadə etdiyi taksi minik avtomobillərində nağdsız ödəniş üçün POS-terminal olmalıdır.

Bu qərar 2024-cü il iyulun 1-dən qüvvəyə minib.

Bəs görəsən niyə hələ də taksilərdə pos-terminallardan istifadə edilmir?

Bu barədə nəqliyyat eksperti Elməddin Muradlı Sonxeber.az -a açıqlama verib:

"Bu, qanunun tələbidir və sərnişindaşıma xidmətinin göstərilməsi ilə bağlı qaydalarda öz əksini tapıb. Taksilərdə pos-terminal, müşahidə kamerası, sürücü haqqında məlumat lövhəsi mütləq şəkildə olmalıdır. Lakin, hal-hazırda bunların təmin olunmasında bir sıra problemlər var. Bütün taksilər sadaladıqlarımızla əhatə olunmayıb. Bildiyim qədəri ilə sadəcə hava limanında fəaliyyət göstərən taksilərdə bu xüsusiyyətlər var. AYNA tərəfindən bütün bunlar hər hansı formada nə vaxt tənzimlənsə, o zaman da problemlər öz həllini tapacaq. Qanunda öz əksini tapan məsələlər mütləq şəkildə yoluna qoyulmalıdır".

Çiçək Sadatova

Telegramda izləyin