"25 il əvvəl baş vermiş bir cinayət hadisəsinə azərbaycanlıların qəddarlıqla qətlə yetirilməsi və təhqir olunması absurddur " - DEPUTAT

"Rusiya hüquq-mühafizə orqanları tərəfindən həmvətənlərimizin qətli, dindirilməsi zamanı tətbiq edilən işgəncə və ləyaqəti alçaldan hərəkətlərdən istifadə edilməsi beynəlxalq hüquqa ziddir".

Bunu Sonxeber.az-a danışan deputat Cavanşir Paşazadə bildirib

Deputat qeyd edib ki, təəssüf doğuran digər məsələ reydlərin təşkili və keçirilməsi zamanı azərbaycanlılara qarşı nümayiş etdirilən etnik dözümsüzlük, bu kimi halların Rusiya mediasında işıqlandırılmasıdır. Rusiya tərəfindən tələbimiz azərbaycanlılara qarşı təşkil olunan bu hücumların hərtərəfli və obyektiv araşdırılması, habelə təqsirkarların bu ölkənin mövcud qanunvericiliyinə uyğun olaraq məsuliyyətə cəlb edilməsi üçün təcili tədbirlərin görülməsidir.

Deputat vurğulayıb ki, vətəndaşlarımıza qarşı törədilmiş vəhşiliklərin 25 il əvvəl baş vermiş bir cinayət hadisəsi ilə bağlı əlqələndiriməsi, hər hansı rəsmi sübut təqdim olunmadan azərbaycanlıların qəddarlıqla qətlə yetirilməsi, təhqir olunması və işgəncələrə məruz qalması absurddur:

"İyulun 1-də Azərbaycanın Yekaterinburqdakı diasporunun rəhbəri Şahin Şıxlinski və oğlu Mütvali Şıxlinskinin saxlanması, göstərənilən zorakılıq beynəlxalq hüququn kobud şəkildə pozulmasıdır. Ümumiyyətlə heç bir səbəb olmadan istənilən azərbaycanlıya hücum edir, həbs edir və zorakılıq göstərir. Bütün bunlar göstərir ki, əslində azərbaycanlıların törətdiyi hər hansı cinayətlə bağlı deyil, açıq-aşkar Azərbaycana qarşı növbəti təzyiq qurmaq cəhdləridir. Rusiya unutmamalıdır ki, Azərbaycan nə 90-cı illərin, nə ötən əsrin əvvəlləri ilə müqayisə olunmayacaq dərəcədə güclüdür. Əgər bu təzyiqlərin arxa planı Azərbaycanı hansısa iradəsi ziddinə proseslərə razı salmaqdırsa, bu, tam əks nəticə verəcək".

Telegramda izləyin