Azərbaycanda nazir məhkəməyə verildi
16 may tarixində səhiyyə nazirinin də iştirak etdiyi Milli Məclisin plenar iclasında Səyyad Salahlı (Aran) plastik cərrahlarla bağlı çıxışı zamanı qəbuluna düşən və plastik cərrahın səhlənkarlığı səbəbindən həyatını itirən Səbinə Vəliyevanın ailəsinin müraciətini dilə gətirmiş, bundan sonra nazir Teymur Musayev də məsələ ilə bağlı açıqlama verərək, həmin ailənin onun da qəbulunda olduğunu və S.Vəliyevanın mətbəxdə əməliyyat olduğunu vurğulamışdı.
Modern.az xəbər verir ki, Səbinə Vəliyevanın ailəsi səhiyyə naziri Teymur Musayevi qızının şərəf və ləyaqətini alçaltdığını bildirərək, şikayət ərizəsi ilə məhkəməyə müraciət edib.
Şikayət onunla əsaslandırılıb ki, səhiyyə naziri 16 may 2025-ci il tarixdə Milli Məclisdə keçirilən plenar iclasda Səbinə Vəliyeva haqqında həqiqətə uyğun olmayan yalan və böhtan xarakterli fikirlər səsləndirib. Şikayətçilər məhkəmədən nazirin Milli Məclisin iclasında və ya ona bərabər tutulan tədbirdə təkzib verilməsi barədə qərar qəbul edilməsini xahiş edib.
Səbinə Vəliyevanın yaxınları məhkəməyə bildiriblər ki, Teymur Musayev yalan olduğunu bilə-bilə mərhum qızı barəsində dedikləri onun ruhuna təhqir və böhtan sayılır. Yalan məlumatları kənar şəxslərin görə, eşidə və ya qavraya biləcəyi formada, qəsdən və qərəzli şəkildə deyib, qızının, onun, habelə ailəsinin şərəf va ləyaqətini qəsdən nalayiq formada alçaldıb və qəsdən böhtan atıb.
Məhkəmə şikayətin heç bir əsası olmadığı qərarını verib. Bildirilib ki, 16 may 2025-ci il tarixdə Milli Məclisin plenar iclasında nazirin çıxışına diqqət yetirdikdə müəyyən olunur ki, həmin sözlər xüsusi ittihamçının nəinki ziyanına, hətta xeyrinə deyilmiş sözlərdir.
İş materiallarına əsasən Ülviyyə İlyasova Bakı şəhəri, Yasamal rayonu, Mətbuat prospekti 529 ünvanında xüsusi biliyi və təhsili olmadan qohumu Səbinə Vəliyeva üzərində liposaksiya-piysovurma manipulyasiya və prosedurlarını icra etdikdən sonra sonuncunu özünün yaşadığı Bakı şəhəri, Suraxanı rayonu, Qaraçuxur qəsəbəsi, 16-cı döngə "Şərq" yaşayış massivində yerləşən ünvansız fərdi yaşayış evinə gətirdiyi və S.Vəliyevanın səhhətinin orada ağırlaşaraq vəfat etdiyi müəyyən edilib.
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Məhərrəmlik ayı BU TARİXDƏ BAŞLAYIR
"WhatsApp" ödənişli oldu
Kondisioneri niyə 26 dərəcəyə qoymaq olmaz?
Bu şəxslər metro və avtobuslarda pulsuz gedə bilər - GÖZLƏNİLƏN QƏRAR
Pensiyalar nə vaxt ödəniləcək? - TARİX AÇIQLANDI
İyunda 10 gün iş olmayacaq - TARİXLƏR
Hansı daha xeyirlidir, yemiş, yoxsa qarpız? - İki meyvənin müqayisəsi
Bank kartı olanların diqqətinə: YENİLİK OLACAQ - TARİX
Bu şəxslər rayondan Bakıya GƏLMƏYƏCƏKLƏR - SƏBƏB
Bu şəxslərə maaş yeni qayda ilə VERİLƏCƏK
SON DƏQİQƏ: Pensiyaçılar kommunal ödənişlərdən azad ediləcək? - VACİB AÇIQLAMA
Toyda gəlin çətin anlar yaşadı - Köməyinə Aygün Kazımova ÇATDI - VİDEO
Məşhur bloqerin avtomobili qaçırıldı
Hava KƏKİN DƏYİŞİR: Yağış, sulu qar yağacaq - BU TARİXƏDƏK
Paşinyandan etiraf: "Ermənistan Avropa İttifaqına üzv olmağa hazır deyil"