"Bunu necə yeyirlər?"

Konyada satılan küflü bir pendirin görüntüləri sosial şəbəkələrdə geniş rezonans doğurub.

Sonxeber.az türk mediasına istinadən xəbər verir ki, bəzi istifadəçilər bu pendiri "dad mirası" adlandıraraq tərifləsələr də, digərləri sağlamlığa zərərli ola biləcəyi fikri ilə sərt tənqidlər ediblər.

Görüntülərin yayılmasından sonra istifadəçilər iki cəbhəyə ayrılıb. Özünü konyalı kimi təqdim edən bir qrup şəxs, "Konyalı olmayan bu pendirin qədrini bilməz. Onun dadı müzakirə olunmazdır," deyərək məhsulu müdafiə edib. Pendiri tərifləyənlər bu cür məhsulların illərdir ənənəvi üsullarla istehsal edildiyini və ləzzətinin bənzərsiz olduğunu vurğulayıb.

Lakin pendirə yönələn tənqidlər də bir o qədər sərt olub. Bəzi sosial media istifadəçiləri, "Bunu necə yeyirlər? Üzərindəki bakteriyadan insan iki saata sağ çıxmaz," şəklində şərhlər yazaraq, görüntülərdəki küfün sağlamlıq baxımından ciddi risk daşıdığını iddia ediblər. Konyada ənənəvi üsullarla hazırlanan bəzi pendir növlərində yetişmə mərhələsində səth küfü yaranması bəzən normal sayılsa da, bu tip məhsulların nə dərəcədə yoxlamalardan keçdiyi və sağlamlıq baxımından təhlükəli olub-olmaması ayrıca bir müzakirə mövzusuna çevrilib.

Telegramda izləyin