İyul ayı olmasına baxmayaraq, bu üç bölgəyə qar yağdı

Türkiyənin ərazisi olan Bayburt, Rize və Trabzonun yüksək dağlıq ərazilərinə iyul ayında qar yağıb.

Sonxeber.az xəbər verir ki, Bayburtun Soğanlı Dağlarının zirvələri qar və sıx dumanla örtülüb, gecə saatlarında hava istiliyi əhəmiyyətli dərəcədə düşüb. Bayburt sakini Yıldıray Ata, "Yay gəlmədən qışımız geri döndü", deyərək qar yağan dağları videoya çəkib.

Meteoroloji məlumatlara görə, Bayburtda ən aşağı temperatur 2,2°C ilə Kavlatan kəndində, ən yüksək isə 10,7°C ilə Aydıntepe rayonunda qeydə alınıb.

Rizenin Kaçkar Dağları Milli Parkı və ətraf yaylalar - o cümlədən Anzer, Kavron və Samistal - qarla örtülüb. Trabzonun Hayrat və Of rayonlarının yüksək hissələrində də yağış havanın soyuması ilə qara çevrilib.

Telegramda izləyin