İsti havalarda tər qoxusunu azaldan təbii həll

Yerin dərin qatlarından çıxarılan Himalay duzunun sıxılması ilə əldə edilən, tərkibində heç bir qatqı olmayan və tamamilə təbii tərkibə sahib duz sabunu, yay aylarında xüsusilə daha çox tələb görür.

Sonxeber.az xəbər verir ki, sızanaqlara, dəridəki məsamələrin açılmasına, artan tərləməyə, dərinin təmizlənməsinə, ekzema, psoriaz və göbələk kimi dəri xəstəliklərinə faydalı təsirləri ilə tanınan bu sabun, köpürməyən quruluşda olub hal-hazırda təxminən 3 manata satılır.

Aktar Orhun Özfidancının sözlərinə görə, duz sabunu vanna zamanı və ya əl-üz yuyarkən istifadə oluna bilər:

"Bədənə tətbiq etdikdən sonra bir müddət gözləyib, bol su ilə yumaq lazımdır".

O, həmçinin əlavə edib ki, duz sabunu yalnız duzdan ibarət olduğu üçün tərkibində heç bir ətir, rəng və ya qatqı maddəsi yoxdur. Lakin quru və həssas dərilərdə qıcıqlanma və allergik reaksiyalara səbəb ola biləcəyi üçün, həkim tövsiyəsi ilə istifadəsi məsləhətdir.

Yay aylarında tərləmə və tər qoxusunun artması səbəbindən sabuna tələbin yüksəldiyi, xüsusilə qadınlar arasında daha çox istifadə edildiyi vurğulanıb. Duz sabunu həmçinin kosmetika sektorunda da istifadə olunur.

Telegramda izləyin