Bakıda bir çox yerdə su yoxdur - Bundan sonra belə olacaq?

Bakının bir çox hissələrində suyun verlişində problemlər olduğu bildirilir.

Milli.Az-a müraciət edən vətəndaşların sözlərinə görə, əvvəllər fasiləsiz gələn su indi fasilələrlə gəlir.

Binəqədi rayonunda yaşayan sakinlərin sözlərinə görə, həyət evlərinin bir çox hissəsində su yoxdur, ancaq maşınlarla su almaq mümkündür.

Suraxanı rayonu Yeni Günəşli qəsəbəsində də suyun verilməsində problemin olduğu bildirilib. Sakinlərin sözlərinə görə, əvvəllər də su fasilələrlə verilirdi, lakin müəyyən qrafik var idi.

"Bilirdik ki, bu saatlarda su gələcək, işlərimizi də ona uyğun qururduq, lakin indi həmin qrafik də pozulub".

Ötən gün Nərimanov rayonu ərazisində də suyun verilməsində problem olub.

Yasamal rayonu ərazisində də yeni tikililərdə suyun verilməsində problemlər var. Sakinlərin sözlərinə görə, yeni tikili binalarda su fasilələrlə verilir. Sutka ərzində cəmi 1-2 saat su gəlir. Yeni tikili binların əksəriyyətində də su çənləri olmadığına görə ciddi problemlər yaşayırlar.

Məsələ ilə bağlı İri Şəhərlərin Birləşmiş Su Təchizatı Xidmətinə soğru ünvanlanıb.

Telegramda izləyin