"Bu necə bələdiyyə binasıdır?" - Vətəndaş gördüyünə inanmadı, etiraz etdi - VİDEO

Türkiyənin Trabzon vilayətinin Yomra rayonunda yerləşən bir məhəllə idarəsinin (muhtarlıq) binası sosial şəbəkələrdə gündəm olub.

Sonxeber.az türk mediasına istinadən xəbər verir ki, binanın böyüklüyü və görkəmi onu görənləri təəccübləndirib. Mövcud mənzərə ilə qarşılaşan bir vətəndaş, gördüklərini mobil telefonla çəkərək sosial mediada paylaşıb.

Videoda vətəndaş təəccüb içində "Bu necə bələdiyyə binasıdır? Yəqin ki, bir çox vilayətin bələdiyyə binasından daha böyükdür," sözləri ilə reaksiyasını bildirib.

Qısa zamanda yayılan görüntülər sosial şəbəkələrdə geniş müzakirələrə səbəb olub. Bir çox istifadəçi binanın memarlıq üslubu və ölçüləri ilə bağlı müxtəlif şərhlər yazıb.

Telegramda izləyin