Pişiklərin yoluxdurduğu "Toxoplasma gondii" paraziti insanın davranışını idarə edə bilər

Dünya əhalisinin 60%-nə qədərinin yoluxduğu "Toxoplasma gondii" paraziti insan beyninə nüfuz edə və nəzərə çarpmadan onun davranışına təsir göstərə bilər.

Sonxeber.az MK.ru "Telegram" kanalına istinadən bildirir ki, qərb alimlərin fikrincə, pişiklərin yoluxdurduğu bu parazit dofaminin - həzz hormonunun ifrazını stimullaşdırır. Nəticədə, beyin təkcə yemək və ya yatmaq kimi faydalı hərəkətləri deyil, həmçinin riskli olanları - aqressiya, impulsiv qərarlar və hətta təhlükəli cinsi əlaqələri də təşviq etməyə başlayır.

Əsas infeksiya mənbəyi isə pişiklərdir. Məhz onların orqanizmində parazit çoxalır və ətraf mühitə yayılır. Heyvan ilə, onun lotoku ilə (pişik üçün tualet, qum lotoku) və ya çiy ət ilə təmas vasitəsilə yoluxmaq mümkündür.

Alimlər hesab edirlər ki, Toxoplasma gondii" paraziti hiss olunmaz şəkildə şəxsiyyəti dəyişdirməyə, riskə, narahatlığa və hətta psixi pozğunluqlara meyilliyi artırmağa qadirdir.

Telegramda izləyin