Çikunqunya virusunun əlamətləri nələrdir?

ABŞ Xəstəliklərə Nəzarət və Profilaktika Mərkəzi (CDC), Çində geniş yayılan çikunqunya adlı ağcaqanad mənşəli xəstəlik barəsində məlumat yayıb.

Sonxeber.az xarici KİV-ə istinadən xəbər verir ki, CDC insalara səyahət qadağası elan edib.

Məlumata görə, Çinin Quandun vilayətində iyun ayından bəri 7 000-dən çox təsdiqlənmiş yoluxma qeydə alınıb. Çinli səhiyyə rəsmiləri hesab edirlər ki, bölgədə baş verən musson daşqınları ağcaqanadların çoxalması üçün ideal şərait yaradıb və bu da virusun sürətlə yayılmasına səbəb olub.

CDC-nin xəbərdarlığında səyahət edən şəxslərə peyvənd vurdurmaları tövsiyə olunur. Eyni zamanda, yoluxma riskini azaltmaq üçün qoruyucu tədbirlərin vacibliyi vurğulanır.

Çikunqunya nədir və nə qədər yayılıb?

Çikunqunya virusu yeni xəstəlik olmasa da, son onilliklərdə əsasən tropik bölgələrdə geniş yayılıb. 2025-ci ilin əvvəlindən etibarən dünyada 240,000-dən çox yoluxma qeydə alınıb (Avropa Xəstəliklərin Qarşısının Alınması Mərkəzinin məlumatına əsasən).

ABŞ-də isə bu virus nadir hallarda aşkarlanır və 2019-cu ildən bəri yerli mənşəli yoluxma halı qeydə alınmayıb.

Virusun əsas əlamətləri bunlardır:

• Yüksək hərarət (ani başlayan)

• Əllər, biləklər, topuqlar və ayaqlarda şiddətli oynaq ağrıları

• Əzələ ağrısı

• Baş ağrısı

• Yorğunluq

• Dəri səpkiləri

Əksər insanlar 7-10 gün ərzində heç bir ciddi tibbi müdaxilə olmadan sağalır. Lakin bəzi hallarda simptomlar həftələrlə və ya aylarla davam edə bilər.

İnkubasiya dövrü və müalicə necədir?

Xəstəlik üçün spesifik antiviral müalicə yoxdur. Simptomatik müalicə tövsiyə olunur: istirahət, bol maye qəbulu, ağrı və hərarət üçün parasetamol (acetaminophen). Virus səbəbilə ölüm halları olduqca nadirdir.

Telegramda izləyin