"Ağ Evdə keçiriləcək görüşlər Cənubi Qafqazda dayanıqlı sülhün, təhlükəsizliyin və əməkdaşlığın əldə olunması çox əhəmiyyətlidir" - DEPUTAT

"Prezident İlham Əliyevin ABŞ Prezidenti Donald Trampın dəvəti ilə Amerikaya səfəri iki ölkə münasibətlərində yeni bir səhifənin başlanğıcı hesab oluna bilər".

Bunu Sonxeber.az-a danışan deputat Cavanşir Paşazadə bldirib.

Deputat qeyd edib ki, Donald Tramp sülhsevər və ədalətli dövlət rəhbəridir və dünyada müharibələrin olmamasını üstün tutub:

"44 günlük Vətən müharibəsi dövründə də ABŞ məsələyə ədalət prizmasından yanaşaraq, ərazi bütövlüyümüzü dəstəkləmişdi. Amma bunu Baydenə aid etmək olmaz. Onun prezidentlik dövründə ABŞ-nin Azərbaycana münasibəti tamamilə fərqli idi. Belə ki, Bayden Administrasiyası erməni lobbisinin təsiri altına düşərək, Azərbaycana qarşı açıq şəkildə qərəz nümayiş etdirir, ölkəmizin ünvanına ədalətsizcəsinə saxta ittihamlar səsləndirilib, qurduğu ssenariyə uyğun olaraq Konqres və Senatda dövlətimiz əleyhinə qətnamələr qəbul olunub. Hətta ABŞ, Avropa İttifaqı və Ermənistan arasında üçtərəfli görüş keçirərək Ermənistanın silahlandırılmasına maliyyə dəstəyi göstərilməsini belə qərara almışdı. Çünki Bayden müstəqil rəhbər deyildi, o, idarə olunurdu. Amma Donald Trampın yenidən prezident seçilməsi erməni lobbisinin planlarının üstündən xətt çəkdi. Donald Tramp isə müstəqil siyasət yürüdür və kənar qüvvələrin təsiri altına düşmür. O, adını tarixə ABŞ-nin uğurlu prezidenti və sülhsevər lider kimi yazdırmağa çalışır".

Deputat vurğulayıb ki,Tramp prezident seçiləndən sonra Azərbaycanla ABŞ arasında münasibətlər yenidən normallaşdı:

"Yenidən qarşılıqlı təbriklər, zənglər intensivləşməyə başladI və bütün telefon danışıqlarında ölkələrarası əməkdaşlığın genişləndirilməsi məsələsi xüsusi vurğulanıb. Prezident İlham Əliyevin III Qlobal Şuşa Forumunun açılışında səsləndirdiyi fikirləri Donald Tramp "Truth" sosial şəbəkəsində paylaşdı. Bu, ABŞ tarixində ölkə liderinin digər dövlət başçısının fikirlərini səhifəsində dərc etməsinin iki idi. Ən önəmlisi isə ABŞ Cənubi Qafqaz prosesində fəal iştirak edir və uzunmüddətli münaqişənin həllinin tapılması üçün Azərbaycana və Ermənistana yardım etməyə çalışırdı.Təbii ki, bütün bunlar ikitərəfli münasibətlərin inkişaf dinamikasının göstəricisidir".

Deputat söyləyib ki, Azərbaycan Prezidenti İlham Əliyevin və Ermənistan baş naziri Nikol Paşinyanın ABŞ-yə dəvət olunmaları Donald Trampın Cənubi Qafqaza münasibəti sülhsevər prizmasındandır:

"Ağ Evdə keçiriləcək ikitərəfli və üçtərəfli görüşlər regionumuza sülh və əməkdaşlığın gəlişi baxımından çox əhəmiyyətlidir. Donald Trampla Prezident Əliyevin ikitərəfli görüşündə Azərbaycan-ABŞ münasibətlərinin inkişaf etdirilməsi ilk yerdə olacaq.Tramp Zəngəzur dəhlizi məsələsinə də çox müsbət yanaşır və bu dəhlizdə hərəkətin təhlükəsizliyinə töhfə vermək istəyir. Bu baxımdan hesab edirəm ki, bu gün sülh müqaviləsinin bağlanmasına sadiqliyin nümayişi üçün razılaşdırılmış müqavilənin paraflanması və ya memorandum imzalana bilər. Hər halda Ağ Evdə keçiriləcək ikitərəfli və üçtərəfli görüşlərdən sonra Cənubi Qafqazda dayanıqlı sülhün, təhlükəsizliyin və əməkdaşlığın əldə olunması üçün çox ciddi addımların atılacağını hesab edirəm".

Telegramda izləyin