Qeydiyyatdan çıxarıldı, pensiyası kəsildi - Səbəb nədir? (TƏFƏRRÜAT)
74 yaşlı Naibə Hüseynovanın əlilliyə görə aldığı pensiyası 2 aydır dayandırılıb.
Naibə Hüseynovanın qızı Ruhiyyə İsmayılova deyir ki, evləri satıldıqdan sonra qeydiyyatdan çıxarıldığı üçün anasının pensiyası kəsilib.
Ruhiyyə İsmayılovanın sözlərinə görə, onlar əslən Göyçay rayonundandırlar. Bu ilin yanvar ayına kimi də orada yaşayıblar. Anasının müalicəsi üçün Bakıya gəldiyini bildirən Ruhiyyə İsmayılova deyir ki, iki aydır yataq xəstəsi olan anası pensiya ala bilmir. Ailə Bakıda kirayə yaşayır.
Onun sözlərinə görə, hazırda ailə çarəsiz durumdadır. Çünki qeydiyyata düşmək üçün yaşayış ünvanı olmadığından pensiya bərpa olunmur.
Dövlət Sosial Müdafiə Fondundan bildirlib ki, Hüseynova Naibə Fətulla qızının əlilliyə görə pensiyası şəxsiyyət vəsiqəsi deaktiv olduğu üçün iyul ayından elektron sistem tərəfindən avtomatik olaraq dayandırılıb. Şəxsiyyət vəsiqəsi aktivləşdirildikdən sonra rəsmi qaydada Dövlət Sosial Müdafiə Fondunun rayon filialına və ya ərazi üzrə xidmət göstərən DOST Mərkəzinə müraciət etməsi tövsiyə olunur.
Dövlət Tibbi-Sosial Ekspertiza və Reabilitasiya Agentliliyinin İctimaiyyətlə əlaqələr və daxili kommunikasiya şöbəsindən isə bildirilib ki, Göyçay rayon sakini Hüseynova Naibə Fətulla qızına 18.06.2012-ci il tarixdən II dərəcə müddətsiz əlillik dərəcəsi təyin edilib. Vətəndaşın hazırda aktiv əlillik statusu mövcuddur, əlillik dərəcəsi qüvvədədir.
Daxili İşlər Nazirliyinin Mətbuat xidmətinin regional qrupundan isə bildirilib ki, Göyçay rayon sakini Naibə Hüseynova yaşadığı ünvandan qeydiyyatdan çıxarıldığına görə, onun şəxsiyyət vəsiqəsi deaktiv edilib. Mövcud qanunvericiliyə əsasən, şəxsiyyət vəsiqəsinin etibarlı hesab olunması üçün vətəndaşın yaşayış yeri üzrə daimi qeydiyyatda olması zəruridir. Yeni şəxsiyyət vəsiqəsi əldə etmək üçün vətəndaş hüquqi əsaslı özünə məxsus olan mənzildə və ya mülkiyyətçinin razılığı əsasında hər hansı digər mənzildə qeydiyyata düşərək ərazi polis orqanına müraciət edə bilər. Bundan sonra vətəndaşın yeni nəsil şəxsiyyət vəsiqəsi ilə təmin olunması üçün yaşadığı ünvanda səyyar xidmət göstəriləcək.//Xəzər TV
Sonxeber.az
Telegramda izləyin
Sosial Baxılıb: 724 Tarix: 26 avqust 2025
Şikayətiniz varsa Whatsapp: 077 7125666
Facebookda Paylaş
Fond: Yüksək faizli qorunmayan əmanətlər birbaşa risk yaratmır
Yüksək faizli qorunmayan əmanətlər Əmanətlərin Sığortalanması Fondu üçün birbaşa risk yaratmır. "Report" xəbər verir ki, bunu Fondun Sığorta və risklərin idarə edilməsi departamentinin Maliyyə bazarlarının təhlili vərisklərin modelləşdirilməsi şöbəsinin müdiri Lalə Cəfərli Milli Mətbuat Gün
26 iyulQızıl bahalaşdı
Qlobal əmtəə bazarlarında qiymətli metallar üzrə ticarət qarışıq dinamika ilə başa çatıb. xəbər verir ki, COMEX birjasında avqust fyuçersləri üzrə qızılın 1 troy unsiyasının qiyməti 20,60 ABŞ dolları və ya 0,51% artaraq 4 070,80 ABŞ dollarına yüksəlib. Spot qızıl isə 3,31 ABŞ dolları və ya 0,08% bahalaşara
25 iyulBakıda və Abşeron yarımadasında temperatur enəcək
Sabah Bakıda və Abşeron yarımadasında temperatur 3-4 dərəcə enəcək. xəbər verir ki, bu barədə Milli Hidrometeorologiya Xidmətindən məlumat verilib. Bildirilib ki, Bakıda və Abşeron yarımadasında xəzri küləyi əsəcək, maksimal temperaturun 32-35 dərəcə isti olacağı gözlənilir
26 iyul"Sədərək" və "Binə" bağlanır? - AÇIQLAMA
Son günlər sosial şəbəkələrdə "Sədərək" və "Binə" ticarət mərkəzlərinin fəaliyyətini dayandıracağı ilə bağlı yayılan iddialar geniş müzakirələrə səbəb olub. Məlumatlarda onlayn ticarətin sürətlə inkişaf etməsinin ənənəvi bazarlara marağı azaltdığı bildirilir. xəbər verir ki, satıcıları
25 iyulBakıda 89 yaşlı qadının meyiti tapıldı
Bakıda mənzildən 89 yaşlı qadının meyiti tapılıb. "Qafqazinfo" xəbər verir ki, hadisə iyulun 23-ü saat 19 radələrində Nəsimi rayonu ərazisində baş verib. Belə ki, 1937-ci il təvəllüdlü Z.Əlizadənin üzərində zorakılıq əlamətləri görünməyən meyiti yaşadığı Ə.Quliyev küçəsindəki mənzildə aşkarlanıb
24 iyulDənizdə batan Elgünün ailəsi fəryad etdi - VİDEO
Mərdəkanda dənizdə batan 22 yaşlı gəncin axtarışları davam edir. Məlumata görə, gənc dostları ilə birlikdə Mərdəkan çimərliyinə gedib və dənizdə batıb. Hadisədən sonra ərazidə axtarışlara başlanılıb. Səkkiz gündür davam edən əməliyyatlara baxmayaraq, Elgün Qarayevdən hələ də xəbər yoxdur. Onun atas
24 iyulBakıda yeni dərs ilindən saatlar BELƏ OLACAQ -TƏFƏRRÜAT
Azərbaycanda beynəlxalq təcrübə əsasında çevik iş vaxtı rejimi modellərinin yaradılması planlaşdırılır. Bununla bağlı məsələ Prezident İlham Əliyevin Sərəncamı ilə təsdiqlədiyi Məşğulluq Strategiyasının həyata keçirilməsinə dair 2026-2030-cu illər üçün Tədbirlər Planında öz əksini tapıb. Plana uyğu
25 iyul