Binaların tikintisində seysmoloji risklər necə nəzərə alınır? – RƏSMİ AÇIQLAMA

Azərbaycanda seysmoloji baxımdan aktiv ərazilərin mövcudluğu yeni tikilən binaların təhlükəsizliyi ilə bağlı ictimai narahatlığı artırır. Xüsusilə də güclü zəlzələlərin başvermə ehtimalı fonunda ən çox verilən suallardan biri odur ki, inşaat prosesində bu risklər necə nəzərə alınır.Binaların və digər qurğuların tikintisi zamanı seysmoloji risklərin – zəlzələ, torpaq sürüşməsi və digər təbii fəlakətlərin nəzərə alınıb-alınmaması ilə bağlı Sonxeber.az-ın sualını Fövqəladə Hallar Nazirliyinin Mətbuat Xidməti cavablandırıb.

Nazirlikdən bildirilib ki, inşaat prosesi mövcud normalar və qanunvericiliyə uyğun şəkildə aparılır:

"Ümumiyyətlə bina və qurğuların inşası layihələndirmə normalarına uyğun olaraq həyata keçirilir. İlk növbədə layihə hazırlanır, daha sonra Şəhərsalma və Tikinti Məcəlləsinə və mövcud qaydalara uyğun olaraq ekspertizadan keçirilir. Yalnız bundan sonra tikinti-quraşdırma işlərinə başlanılır. Rəy və təkliflərin verilməsi məsələsinə gəldikdə isə bu, layihədən asılı olaraq dəyişir".

Beləliklə, FHN-in açıqlamasına əsasən, hər bir layihə fərdi qaydada qiymətləndirilir və seysmoloji risklərin nəzərə alınması mərhələsi məhz ekspertiza zamanı müəyyənləşdirilir.

Telegramda izləyin