Bank borcunu gecikdirən vətəndaşlara davamlı zənglər: tədbir görülə bilərmi? - AÇIQLAMA

Son zamanlar bir çox vətəndaş banklardan narazılığını bildirir. Borc ödənişini müəyyən səbəblərə görə gecikdirən müştərilərə bank əməkdaşları tərəfindən gündə bir neçə dəfə zəng olunması insanlarda narahatlıq yaradır. Şikayətçilər deyirlər ki, bu zənglər yalnız iş saatlarında deyil, axşam və hətta istirahət günlərində də həyata keçirilir.

Sonxeber.az -ın sorğu ünvanladığı ekspertlərin sözlərinə görə, vətəndaşın öhdəliklərini vaxtında yerinə yetirməsi qanuni tələbdir. Lakin bankların borcunu gecikdirən müştərilərlə ünsiyyətdə etik normalara riayət etməsi, psixoloji təzyiq göstərməməsi əsas şərtlərdən biri sayılır. Hüquqşünaslar hesab edir ki, əgər zənglərin sayı həddindən artıq çoxalırsa və bu, şəxsin şəxsi həyatına müdaxilə səviyyəsinə çatırsa, vətəndaş məsələni məhkəməyə daşıya bilər.

Məsələ ilə bağlı müvafiq dövlət qurumlarının da monitorinq aparması və banklara xəbərdarlıq etməsi təklif olunur. Çünki bu cür hallar yalnız müştərini deyil, ümumən bank sektoruna olan etimadı da azalda bilər.

Çiçək Sadatova

Telegramda izləyin