Azərbaycanda pensiya alanlara ŞAD XƏBƏR - Bu tarixdən ARTIM OLACAQ

"Hər ilin yanvar ayında əmək pensiyaları indeksləşdirilərək artırılır və 2026-cı ilin yanvar ayından da bütün növ əmək pensiyalarının artırılması həyata keçiriləcək".

Bu sözləri BAKU.WS-ə açıqlamasında Milli Məclisin Əmək və sosial siyasət komitəsinin üzvü, millət vəkili Vüqar Bayramov bildirib.

Deputat əlavə edib ki, hazırda əmək pensiyalarının üç növü var: "Bunlar yaşa və əlilliyə görə əmək pensiyaları, eyni zamanda valideynlərini itirməyə görə əmək pensiyası.

Hər üç pensiya indeksləşdirmə nəticəsində növbəti ilin yanvarından etibarən yanvardan etibarən artımları müşahidə edəcək. Pensiya artımları 1,1 milyondan artıq vətəndaşımızı əhatə edəcək. Bu da təbii ki, birbaşa həmin vətəndaşlarımızın əmək pensiyalarının indeksləşdirilməsi ilə bağlıdır.

Artım faizi 2025-ci ildə orta aylıq əməkhaqqındakı artım faizinə uyğun olaraq həyata keçiriləcək. Fazilərin miqdarı ilin sonuna doğru bəlli olacaq. Hələlik il başa çatmadığı üçün konkret artım faizi bəlli deyil. Amma 2025-ci ildə orta aylıq əməkhaqqı nə qədər artacaqsa, ona uyğun olaraq 2026-cı ilin yanvarın birindən etibarən əmək pensiyası indeksləşdirilərək artırılacaq.

Bu, "Əmək pensiyaları haqqında" qanunun tələbidir. Bir neçə il öncəyədək təxminən 100 min vətəndaşımızın əmək pensiyası indeksləşdirildi, amma artıq son illər o cümlədən 2026-c ildə bütün növ əmək pensiyası alan vətəndaşlarımızın pensiya məbləği indeksləşdirilərək artırılacaq".

Telegramda izləyin