Kranın üzərinə asılan yaş dəsmal gözləniləndən daha təhlükəlidir

Ev təmizliyində praktik görünən bir vərdiş insan sağlamlığını gözlənilmədən riskə ata bilər. Təmizlikdən sonra yaş dəsmalların kranın üzərinə qoyulması bir çox insanın gündəlik rutininin bir hissəsidir. Lakin bu sadə davranışın mikroblar üçün "çoxalma mərkəzi" yarada biləcəyi ortaya çıxıb.

Sonxeber.az xəbər verir ki, dəsmalları qurutmaq məqsədilə krana asmaq qısa müddətdə əlverişli görünə bilər, amma mütəxəssislərə görə, bu, gigiyena baxımından ciddi risk daşıyır. Yaş qalan dəsmallar, nəmli quruluşu səbəbindən zərərli bakteriya və göbələklərin sürətlə çoxala biləcəyi ideal mühit yaradır. Kran ətrafı isə davamlı nəmli və çox təmas olunan bir sahə olduğundan, bu risk daha da artır.

Mütəxəssislər qeyd edir ki, kifayət qədər təmizlənmədən qurudulan dəsmallarda insan sağlamlığına zərər verə biləcək bir çox patogen yaşaya bilər. Xüsusilə Escherichia coli, Salmonella kimi bakteriyalar qida zəhərlənməsinə, dəri infeksiyalarına və həzm sistemi pozuntularına səbəb ola bilər.

Bu riskləri aradan qaldırmaq üçün təmizlik dəsmallarının hər istifadədən sonra yuyucu tozuyla yuyulması və sonra mütləq quru və hava alan yerdə saxlanması tövsiyə olunur. Mümkünsə, birbaşa günəş işığına qoymaq mikrobların məhv edilməsində effektiv üsuldur. Həmçinin dəsmalların tez-tez dəyişdirilməsi və istifadə sahələrinə görə ayrılması infeksiya riskini əhəmiyyətli dərəcədə azaldır.

Kranın üzərində asılan bir dəsmal ilk baxışda kiçik bir detal kimi görünə bilər. Lakin bu vərdiş zamanla ciddi sağlamlıq problemlərinə səbəb ola bilər. Gigiyena yalnız təmizlik etməkdən ibarət deyil, təmizlik sonrası tətbiq olunan düzgün üsullarla qorunmalıdır.

Telegramda izləyin