""Daxili qoşunlar haqqında" yeni qanun layihəsi vətəndaşlarımızın təhlükəsizliyinin tam təmin olunmasında mühüm rol oynayacaq"

Xəbər verdiyimiz kimi Daxili qoşunların fəaliyyətinə nəzarət qaydaları müəyyənləşir. Bunu Milli Məclisin Müdafiə, təhlükəsizlik və korrupsiya ilə mübarizə komitəsinin sədri Arzu Nağıyev senyabrın 9-da keçirilən komitə iclasında "Daxili qoşunlar haqqında" yeni qanun layihəsinin müzakirəsi zamanı bildirib.

Komitə sədri qeyd edib ki, "Daxili qoşunlar haqqında" yeni qanun layihəsində daxili qoşunların fəaliyyət istiqamətləri dəqiqləşdirilib və genişləndirilib:

"Yeni layihədə daxili qoşunlar, döyüş texnikası, fəal mühafizə və fərdi qoruyucu mühafizə vasitələri, fiziki qüvvə, xüsusi silah və sair kimi anlayışlar təsbit olunub. Bununla yanaşı, təqdim olunan layihədə daxili qoşunların fəaliyyəti ilə əlaqədar müvafiq icra hakimiyyəti orqanının müəyyən etdiyi orqanın səlahiyyətləri və daxili qoşunların fəaliyyətinin təmin edilməsi tədbirləri nəzərdə tutulub.

Layihədə daxili qoşunların komandanın səlahiyyətləri sadalanıb, daxili qoşunların maliyyə və maddi-texniki təminatı, daxili qoşunların hərbi qulluqçularının və onların ailə üzvlərinin təhlükəsizliyi təminatları barədə müddəalar yer alıb. Yeni layihəyə əsasən, daxili qoşunlar komandanının daxili işlər nazirinin müavini olması ilə bağlı müddəa nəzərdə tutulmayıb. Lakin qüvvədə olan Qanunda daxili qoşunların komandanının daxili işlər nazirinin müavini olduğu nəzərdə tutulub.

Təklif edilən digər maddəyə əsasən isə daxili qoşunların fəaliyyətinə ümumi nəzarətin Azərbaycan Respublikasının Silahlı Qüvvələrinin Ali Baş Komandanı tərəfindən, idarədaxili nəzarətin isə müvafiq icra hakimiyyəti orqanın müəyyən etdiyi orqanın (qurumun) rəhbəri və daxili qoşunların komandanlığı tərəfindən həyata keçirilməsi nəzərdə tutulur".

Bununla bağlı Sonxeber.az-a danışn deputat Cavanşir Paşazadə bildirib ki, , "Daxili qoşunlar haqqında" yeni qanun layihəsində daxili qoşunların fəaliyyət istiqamətlərini dəqiqləşdirmələ yanaşı həm də genişləndirəcək:

"Yeni layihədə daxili qoşunlarla bağlı bütün məsələlər döyüş texnikası, fəal mühafizə və fərdi qoruyucu mühafizə vasitələri, fiziki qüvvə, xüsusi silah və sair kimi anlayışlar təsbit olunub. Bundan əlavə qanun layihəsində daxili qoşunların fəaliyyəti ilə əlaqədar müvafiq icra hakimiyyəti orqanının müəyyən etdiyi orqanın səlahiyyətləri və daxili qoşunların fəaliyyətinin təmin edilməsi tədbirləri nəzərdə tutulub. Ən önəmlisi isə daxili qoşunların fəaliyyətinin ümumi nəzarətin Azərbaycan Respublikasının Silahlı Qüvvələrinin Ali Baş Komandanı tərəfindən, idarədaxili nəzarətin isə müvafiq icra hakimiyyəti orqanın müəyyən etdiyi orqanın (qurumun) rəhbəri və daxili qoşunların komandanlığı tərəfindən həyata keçirilməsi nəzərdə tutulmasıdır".

Deputat vurğulayıb ki, hazırda müzakirəyə çıxarılan "Azərbaycan Respublikasının daxili qoşunları haqqında" qanun layihəsində daxili qoşunların hərbi qulluqçuları tərəfindən odlu silahın tətbiqi şərtləri müəyyənləşir:

"Layihəyə əsasən, odlu silahın xəbərdarlıq edilmədən tətbiq edildiyi hallar və birdən-birə gözlənilməz hücum halı istisna olmaqla, odlu silah tətbiq edilməzdən əvvəl səslə və ya havaya atəş açmaqla silah işlədiləcək şəxsə xəbərdarlıq edilməlidir.Eləcə də layihəyə əsasən, daxili qoşunların hərbi qulluqçularının və onların ailə üzvlərinin təhlükəsizliyini təmin etmək məqsədilə onların xidmət və yaşayış yeri barədə məlumatların mediada, o cümlədən internet informasiya ehtiyatında və ya informasiya-telekommunikasiya şəbəkəsində yayılmasına yol verilməyəcək. Daxili qoşunların xidməti fəaliyyəti barədə məlumat yalnız daxili qoşunlar komandanının razılığı ilə veriləcək.

Qanun layihəsinə əsasən Daxili qoşunların maliyyələşdirilməsi Azərbaycan dövlət büdcəsində ayrıca sətirlə müəyyən ediləcək. Daimi yerləşdiyi yerlərdən kənarda xidməti vəzifələrin yerinə yetirilməsinə cəlb olunmuş daxili qoşunların hərbi qulluqçularının xidməti yaşayış sahələri, kommunal xidmətlər, rabitə xətləri və kanalları, nəqliyyat vasitələri, yanacaq-sürtgü materialları, əlavə qida məhsulları ilə təmin edilməsi dövlət büdcəsinin vəsaiti hesabına həyata keçiriləcək. Eləcə də İnzibati xəta və ya cinayət törətmiş və ya törətməkdə şübhəli bilinən, yaxud barəsində həbs qətimkan tədbiri seçilmiş, axtarışda olan və ya cəzaçəkmə müəssisəsindən qaçmış şəxsləri Daxili qoşunların hərbi qulluqçuların saxlamaq hüququ olacaq. Həmçinin fövqəladə və ya hərbi vəziyyət, sosial xarakterli fövqəladə mühit rejimini, habelə dini ekstremizm və terror əleyhinə aparılan xüsusi əməliyyat zonalarının hüquqi rejimini pozmuş şəxsləri;
daxili qoşunlar tərəfindən mühafizə olunan obyektlərə qanunsuz daxil olmağa cəhd edən və ya daxil olmuş şəxslər də bu siyahıya daxildir. Bir sözlə "Daxili qoşunlar haqqında" yeni qanun layihəsi vətəndaşlarımızın təhlükəsizliyinin qorunmasında mühüm rol oynayacaq. Buna görə də yeni qanun layihəsinin qəbul edilməsini vacib hesab edirəm".

Telegramda izləyin