"Ölkədə 600-ə yaxın məktəb tikilib və ya təmir olunub" - Emin Əmrullayev

"Son illərdə ölkədə 600-ə yaxın yeni məktəb tikilib və ya əsaslı təmir olunub. Nəticədə qəzalı məktəblərin sayı iki dəfədən çox azalaraq 400-ə düşüb"

Sonxeber.az xəbər verir ki, bu sözləri Elm və Təhsil naziri Emin Əmrullayev media üçün keçirilən brifinqdə məlumat verib.

O qeyd edib ki, ötən tədris ilində 147 məktəbdə rasionallaşdırma tədbirləri həyata keçirilib, yeni dərs ilində isə 113 məktəbin fəaliyyətinə dair qərar veriləcək:

"312 ümumi təhsil müəssisəsində metodik dəstək xidməti fəaliyyətə başlayacaq, 14 məktəbdə isə pilot layihə çərçivəsində yeni təmayül dərs modeli tətbiq olunacaq. Monitorinqlərin nəticəsi olaraq 28 məktəb direktorunun fəaliyyətinə xitam verilib".

Telegramda izləyin