"Təzə ənciri qabığı ilə yemək daha faydalıdır"

Türkiyəli iş adamı, Ar-Ge şirkətinin sahibi Faruk Durukan, əncirin sağlamlığa faydalarını vurğulayaraq, qabığı ilə birlikdə istehlak edilməsi lazım olduğunu söylədi. Dünya əncir istehsalının yüzdə 70-nin Türkiyənin payına düşdüyünü, əncir istehsalında xüsusilə Ege bölgəsi və Aydın bölgəsinin önə çıxdığını qeyd etdi.

Sonxeber.az türk mediasına istinadən xəbər verir ki, Durukan, əncir sapında olan "ficin" adlı maddənin bir çox xərçəngdə metastaza mane olduğunu ifadə etdi.

Ənciri qabığı ilə yeməyin daha faydalı olduğunu vurğulayan Durukan, "Əncir şirəsi dəri ilə təmasda olduqda dərini qıcıqlandıra bilər. Halbuki bu maddə saf zülaldır və tüpürcəklə parçalandığı üçün bədənimizə heç bir zərəri yoxdur. Təzə ənciri yuyub qabığı ilə yemək daha faydalıdır",- deyə o bildirib.

Telegramda izləyin