Yataqxanada qalan tələbə qızın sözləri müzakirə yaratdı:"Tanımadığım bir kişini…"

Türkiyədə KYK qız yataqxanasında qalan bir universitet tələbəsi, yataqxanalarda kişi personalının çalışmasına sosial mediada etirazını bildirib.

Sonxeber.az türk mediasına istinadən tələbənin paylaşımında yazdıqlarını təqdim edir:

"Öz evimə tanımadığım bir kişini buraxmıramsa, niyə yataqxanama tanımadığım bir kişi girir?"

Tələbənin sözləri qısa zamanda gündəmə çevrilib. Sosial media istifadəçilərinin bir qismi tələbəyə dəstək verərkən, bəziləri isə təhlükəsizlik və texniki işlərdə kişi personalın fəaliyyət göstərməsinin zəruri ola biləcəyini qeyd edib.

Paylaşımın altına yazılan rəylərdən bəziləri belədir: "Tamamilə haqlıdır… Qadın personal tapmaq çətin olmamalıdır", "Haqlısan, doğru danışırsan", "Orası sənin şəxsi evin deyil, ictimai sahədir. Personalın cinsiyyətinə yox, işini düzgün görüb-görməməsinə baxılır", "Qız haqlıdır… Zaman pisdir…".

Hadisə sosial mediada geniş müzakirələrə səbəb olub.

Telegramda izləyin