Qan verməklə həyat xilas edir: "Xalamı itirdiyim gün qərara gəldim ki, başqaları eyni acını yaşamasın"

Ankarada yaşayan bərbər Erdi Kahraman (37 yaş), 22 il əvvəl xalasını leykozdan itirdikdən sonra insanlara yardım məqsədilə qan verməyə başlayıb.

Sonxeber.az türk mediasına istinadən xəbər verir ki, Kahraman 18 yaşından bəri Türkiyə Qızıl Aypara Cəmiyyətinə (Kızılay) mütəmadi olaraq qan verir. O, 19 il ərzində 48 dəfə qan verərək, Ankarada ən çox qan verən şəxslərdən biri olub.

Erdi Kahraman bildirib ki, 15 yaşında olarkən xalası Münisə Erciyesin leykoz xəstəliyinə tutulduğunu öyrənib. Hacettepe Universiteti Xəstəxanasında iki il müalicə alan Erciyes, 27 yaşında vəfat edib.

Kahraman deyib: "Xalamı itirdiyim gün qərara gəldim ki, başqaları eyni acını yaşamasın. 18 yaşım tamam olandan bəri qan verirəm. Hesab edirəm ki, bu illər ərzində bir çox insanın həyatına toxuna bilmişəm".

Telegramda izləyin