Dr.Aygün Ay və Cahangir Kərimzadənin təşəbbüsü ilə şəhid və qazı ailələri üçün səhər yeməyi təşkil olunub

Tanınmış iş xanımı Dr.Aygün Ay və iş adamı Cahangir Kərimzadənin təşəbbüsü ilə 11 oktyabr "Kasap Kebap" restoranında şəhid və qazı ailələri üçün səhər yeməyi təşkil olunmuşdur. "Bu artıq bizim təşəbbüsümüzlə Azərbaycanda ərsəyə gələn ikinci böyük tədbirdi.Tədbirin məqsədi şəhid ailələrinə diqqət və qayğı göstərməklə yanaşı, şəhid övladlarının uğur və nailiyyətləri ilə yaxından tanış olmaqdır" - deyə, Dr.Aygün Ay xanım qeyd etmişdir.
Bu tədbirdə tanınmış jurnalist Fuad Abbasov, sevilən mügənnilər Yaşar Yusub, İlqar Sadigov, Rəşad İbragimov və Orxan Cəlilov, iş xanımları Şenay Abbasova və Familə Hüseynova, təşkilatçı Pərviz Əzim-zadə qonaq olmuşdular və uşaqlarla çox maraqlı vaxt keçirmişdilər.
Şəhid övladlarından ibarət "Zəfər Sədası" adlı qrup, şəhidlik zirvəsinə ucalan qəhrəman atalarına həsr olunmuş mahnıları ifa etdilər.Və ən sonda şəhid ailələrinə hədiyələr təqdim olundu.
Bu cür tədbirlərin Azərbaycanın digər bölgələrində də qısa zamanda reallaşacağını təşkilatçılar qeyd etdilər.

Telegramda izləyin