Avokado qaralanda onu yemək olarmı?
Avokadodakı faydalı yağlar meyvəyə həm yumşaq tekstura, həm də doymuş dad bəxş edir. Lakin kəsildikdən təxminən iki gün sonra bu yağlar oksidləşməyə və acılaşmağa başlayır.
Lent.az xarici mediaya istinadla xəbər verir ki, nəticədə dad dəyişsə də, belə avokado hələ də sağlamlıq üçün zərərli deyil.
Niyə avokado qaralır və təhlükəlidirmi?
Əgər avokadonun içini kəsib onun qaraldığını görmüsünüzsə, tələsməyin onu atmaq lazım deyil. Mütəxəssislər bildirirlər ki, belə meyvə iki günə qədər yemək üçün tam təhlükəsizdir. Rəngin dəyişməsi meyvənin xarab olduğunu göstərmir bu, sadəcə hava ilə təmas nəticəsində baş verən kimyəvi reaksiyadır. "Əgər avokadonu uzun müddət açıqda saxlasanız bir neçə gün o zaman acı dad yaranmağa başlayır".
Avokadonun oksidləşməsi necə baş verir?
Parlaq yaşıl rəngli bu meyvə "pis" xolesterini azaltmağa kömək edən sağlam yağlarla zəngindir və bu səbəbdən bütün dünyada məşhur səhər yeməyi məhsuluna çevrilib. Ancaq hər kəs bilir ki, kəsilmiş avokado çox tez qaralır. Fatino izah edir ki, bu, oksidləşmə prosesidir eyni təbii reaksiya alma və banan kəsildikdə də baş verir.
"Avokadonun kəsilməsi zamanı hüceyrələrdəki fermentlər oksigenlə təmasda olur və melanin adlı piqment yaranır. Məhz bu piqment səthi qəhvəyi rəngə boyayır".
Bu reaksiyaya səbəb olan ferment polifenoloksidaza (PPO) adlanır. O, həm avokadoda, həm də almada təbii şəkildə mövcuddur. Zaman keçdikcə bu ferment meyvədəki bəzi yağları parçalayaraq dadın dəyişməsinə səbəb olur.
Avokadonun artıq yararsız olduğunu necə bilmək olar
İlk və ya ikinci gün ərzində yaranan qaralma yalnız xarici görünüşün dəyişməsidir. Amma bundan sonra yağlar daha çox oksidləşir, nəticədə acı və "sabımsı" dad əmələ gəlir bu, avokadonun xarab olmağa başladığını göstərir. Əgər meyvədən turş qoxu gəlirsə, yapışqan və ya sürüşkən tekstura yaranıbsa onu atmaq lazımdır. Lakin yüngül qaralma təhlükəli deyil. O, sadəcə qaralmış təbəqəni nazik kəsib atmağı və qalan hissəni istifadə etməyi məsləhət görür xüsusilə avokado tostu və ya quakamole hazırlayarkən.
Daxildəki qəhvəyi liflər nədir?
Bəzən avokadonun içində qəhvəyi liflər və ya nazik xətlər görünə bilər. Bunlar meyvə böyüyərkən qidaları və suyu daşıyan damar dəstələridir. Bu hal adətən gənc və ya həddindən artıq yetişmiş ağaclardan yığılmış meyvələrdə müşahidə olunur. Bu liflər bir qədər sərt ola bilər, lakin tamamilə təhlükəsizdir və yeməyə mane olmur.
Avokadonun qaralmasının qarşısını necə almaq olar?
Kəsilmiş avokadoda çəyirdəyi yerində saxlayın bu, meyvənin hava ilə təmasını azaldır. Avokadonu hava keçirməyən qutuda və ya yapışqan örtükdə saxlayın. Üzərinə limon və ya laym şirəsi əlavə edin onun tərkibindəki limon turşusu oksidləşməni yavaşladır.
Həddindən artıq soyuq və ya isti şəraitdən qaçın temperatur fərqləri meyvəyə zərər verə bilər. Bir neçə dərəcəlik soyuq belə avokado ağaclarına zərər vura bilər, çox isti hava isə ağacların meyvə tökməsinə səbəb olur.
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











ŞAD XƏBƏR - Bu tarixdən bütün növ əmək pensiyaları artacaq
Sahili olmayan cəmi bir dəniz var: Harda yerləşir?
Sabah leysan xarakterli yağış yağacaq - HAVA PROQNOZU
Arif Babayevin məzarından GÖRÜNTÜ - VİDEO
"Sədərək"də fəhlə bankomatdan sahibkarın pullarını oğurladı
Dəm qazının qurbanı olan 18 yaşlı Leylinin - Fotoları
Bu doğum tarixləri "qızıl illər" hesab olunur
Ziya Məmmədovun səs-küylü tələbə yoldaşının oğlu - Yarım milyon mənimsəyib
Çox öskürmək ziyandır
Bakıda yeraltı keçiddə eskalator qırıldı - Xəsarət alanlar var
İşçiləri aparan mikroavtobus aşdı: 12 nəfər yaralandı (YENİLƏNİB)
Doğum evindən maraqlı addım - Foto
Röya: "Adımı çəkmədi, ondan umdum"
Sabah Bakıda leysan olacaq - Xəbərdarlıq
"Oğlum hələ uşaq idi, meyiti yox etməli idik..." - Tanınmış həkimin qızı