Haqqında şikayət edilən kosmetoloq Gülnar Əhmədova danışdı - AÇIQLAMA

Dünən Bakıda yerləşən "Seyri Beauty" adlı gözəllik mərkəzində baş verən hadisə ictimaiyyətin diqqətini çəkdi. Belə ki, bir vətəndaş anasının dodağına dolğu edən kosmetoloq haqqında şikayət etmiş onun həkim olmadığını bildirmişdi.

Bu gün şikayət olunan kosmetoloq Gülnar Əhmədova məsələ ilə bağlı Sonxeber.az -a açıqlama verərək bildirib ki, haqqlarında verilən şikayətin heç bir doğruluq payı yoxdur:
"Xanımın anasının dodaqlarına etdiyim prosedurundan bir neçə gün sonra onlar mərkəzə yaxınlaşıb, nəticəni bəyənmədiklərini və dolğunu əritmək istədiklərini bildirdi. Mən, dolğunu əritmək üçün heç bir səbəb olmadığını izah etdim. Lakin xanım, digər pasiyentlərimin yanında qeyri-etik davranaraq, dolğunu əritməyimi və ödənişi geri qaytarmamı tələb etdi. Mən isə, proseduru etsəm belə, ödənişi geri qaytarmayacağımı bildirdim. Bundan sonra xanım şikayət edəcəyini deyərək otağımı tərk etdi. İşin əvvəlini və sonrasını təqdim etməyə hazıram. Bu vaxta qədər heç bir pasiyentim əl içimdən narazı qalmayıb. Mən "Ekspert" estetik akademiyasını bitirmişəm. O akademiyada tibb təhsili olmayan vətəndaşlara kurs tədris edilmir"

Telegramda izləyin